ਐਲਨ ਮਸਕ ਦੇ ਮੰਗਲ ਮਿਸ਼ਨ ਨੂੰ ਝਟਕਾ, SpaceX ਦਾ Rocket ਟੈਸਟ ਫਲਾਈਟ ‘ਚ ਹੋਇਆ ਕਰੈਸ਼

ਸਪੇਸ ਐਕਸਪਲੋਰਸ਼ਨ ਟੈਕਨੋਲੋਜੀ ਕਾਰਪੋਰੇਸ਼ਨ ਦੀ ਇਹ ਰਾਕੇਟ ਦੀ ਇਹ ਤੀਜੀ ਟੈਸਟ ਉਡਾਣ ਸੀ। ਸਾਫਟ ਲੈਂਡਿੰਗ ਤੋਂ ਪਹਿਲਾਂ, ਰਾਕੇਟ ਫਟ ਗਿਆ ਅਤੇ ਅੱਗ ਲੱਗ ਗਈ। ਐਲਨ ਮਸਕ ਵੱਲੋਂ ਇਸ ਸਬੰਧ ਵਿੱਚ ਅਜੇ ਤੱਕ ਕੋਈ ਬਿਆਨ ਨਹੀਂ ਆਇਆ ਹੈ।

ਮਿਲੀ ਜਾਣਕਾਰੀ ਅਨੁਸਾਰ ਦੁਨੀਆ ਦੇ ਸਭ ਤੋਂ ਅਮੀਰ ਕਾਰੋਬਾਰੀਆਂ ਵਿਚੋਂ ਇਕ ਐਲਨ ਮਸਕ ਨੂੰ ਉਸ ਸਮੇਂ ਵੱਡਾ ਝਟਕਾ ਲੱਗਾ। ਮੰਗਲ ਗ੍ਰਹਿ ‘ਤੇ ਸ਼ਹਿਰ ਵਸਾਉਣ ਦਾ ਸੁਪਨਾ ਦੇਖ ਰਹੇ ਅਰਬਪਤੀ ਐਲਨ ਮਸਕ ਦੇ ਸੁਪਨੇ ਨੂੰ ਬੀਤੇ ਦਿਨ ਇਕ ਨਵੀਂ ਉਡਾਣ ਮਿਲੀ। ਮਸਕ ਦੀ ਕੰਪਨੀ ਸਪੇਕਐਕਸ ਦਾ ਸਟਾਰਸ਼ਿਪ SN10 ਪਹਿਲੀ ਵਾਰ ਹਵਾ ਵਿਚ ਕਰੀਬ 6 ਮੀਲ ਦੀ ਉੱਚਾਈ ਤੱਕ ਗਿਆ ਪਰ ਧਰਤੀ ‘ਤੇ ਉਤਰਨ ਦੇ 10 ਮਿੰਟ ਬਾਅਦ ਇਸ ਵਿਚ ਜ਼ੋਰਦਾਰ ਧਮਾਕਾ ਹੋ ਗਿਆ ਅਤੇ ਲਾਂਚਪੈਡ ‘ਤੇ ਹੀ ਇਹ ਸੜ ਕੇ ਪੂਰੀ ਤਰ੍ਹਾਂ ਸਵਾਹ ਹੋ ਗਿਆ। ਸਪੇਸਐਕਸ ਦੀ ਟੀਮ ਨੇ ਇਸ ਉਡਾਣ ਨੂੰ ਜਿਵੇਂ ਹੀ ਸਫਲ ਕਰਾਰ ਦਿੱਤਾ ਇਹ ਰਾਕੇਟ ਅੱਗ ਦੇ ਗੋਲਿਆਂ ਵਿਚ ਬਦਲ ਗਿਆ।

ਉੱਥੇ ਹੀ ਇਹ ਰਾਕੇਟ ਟੈਕਸਾਸ ਸਥਿਤ ਸਪੇਸਐਕਸ ਦੇ ਬੋਕਾ ਚਿਕਾ ਤੋਂ ਉਡਿਆ ਸੀ ਅਤੇ ਉਸੇ ਰਸਤੇ ‘ਤੇ ਵੱਧ ਰਿਹਾ ਸੀ ਜਿਸ ਰਸਤੇ ‘ਤੇ ਐੱਸਐੱਨ 8 ਅਤੇ ਐੱਸਐੱਨ9 ਵਧੇ ਸਨ। ਐਸਐੱਨ10 ਰਾਕੇਟ ਵਿਚ ਤਿੰਨ ਇੰਜਣ ਲੱਗੇ ਸਨ ਅਤੇ ਸਪੇਸ ਵੱਲ ਵੱਧਦੇ ਸਮੇਂ ਇਹਨਾਂ ਵਿਚੋਂ ਦੋ ਇੰਜਣ ਇਕ-ਇਕ ਕਰ ਕੇ ਵੱਖਰੇ ਹੋ ਗਏ। ਸਿਰਫ 4 ਮਿੰਟ ਵਿਚ ਐੱਸਐੱਨ10 ਰਾਕੇਟ ਆਕਾਸ਼ ਵਿਚ 6 ਮੀਲ ਦੀ ਉੱਚਾਈ ਤੱਕ ਪਹੁੰਚ ਗਿਆ। ਉੱਥੇ ਕੁਝ ਦੇਰ ਚੱਕਰ ਕੱਟਣ ਮਗਰੋਂ ਰਾਕੇਟ ਆਪਣੇ ਇਕ ਇੰਜਣ ਦੀ ਮਦਦ ਨਾਲ ਸਫਲਤਾਪੂਰਵਕ ਧਰਤੀ ‘ਤੇ ਪਰਤ ਆਇਆ ਪਰ ਉਤਰਨ ਦੇ ਬਾਅਦ ਹੀ ਉਸ ਵਿਚ ਧਮਾਕਾ ਹੋ ਗਿਆ।