ਲੁਧਿਆਣਾ : ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਵੱਲੋਂ ਹਾਲ ਹੀ ਵਿੱਚ ਐਲਾਨੇ ਗਏ ਐਮ.ਏ ਸਮੈਸਟਰ ਤੀਜਾ ਦੇ ਨਤੀਜਿਆਂ ਵਿੱਚ ਐਸ.ਸੀ.ਡੀ ਸਰਕਾਰੀ ਕਾਲਜ, ਲੁਧਿਆਣਾ ਦੇ ਅਰਥ ਸ਼ਾਸਤਰ ਦੇ ਪੋਸਟ ਗ੍ਰੈਜੂਏਟ ਵਿਭਾਗ ਦੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਕਾਲਜ ਪ੍ਰਿੰਸੀਪਲ, ਪ੍ਰੋ. (ਡਾ.) ਪਰਦੀਪ ਸਿੰਘ ਵਾਲੀਆ ਨੇ ਬੜੇ ਮਾਣ ਨਾਲ ਕਿਹਾ, “ਸਮੈਸਟਰ 3 ਦੀ ਮਾਸਟਰਜ਼ ਆਫ਼ ਇਕਨਾਮਿਕਸ ਦੀ ਪ੍ਰੀਖਿਆ ਵਿੱਚ ਪਹਿਲੀਆਂ ਦਸ ਵਿੱਚੋਂ ਅੱਠ ਪੁਜ਼ੀਸ਼ਨਾਂ ਹਾਸਲ ਕਰਕੇ, ਵਿਦਿਆਰਥੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਵਿਭਾਗ ਦੇ ਵਿਦਿਆਰਥੀਆਂ ਦੀ ਯੂਨੀਵਰਸਿਟੀ ਇਮਤਿਹਾਨਾਂ ਵਿੱਚ ਉੱਭਰਦੇ ਹੋਏ ਜੇਤੂ ਰਹਿਣ ਦੀ ਪੁਰਾਣੀ ਰਵਾਇਤ ਹੈ। ਸ਼ਿਲਪਾ ਜੈਨ (95.25%) ਨੇ ਪਹਿਲਾ ਸਥਾਨ, ਆਸਮਾ ਦੀਵਾਨ (94%) ਦੂਜਾ, ਲਕਸ਼ੈ ਨੇ ਤੀਜਾ (92.5%) ਸ੍ਰਿਸ਼ਟੀ ਨੇ ਚੌਥਾ (92.25%) 5ਵਾਂ, ਅਪੂਰਵਾ (92%) ਸਥਾਨ ਪ੍ਰਾਪਤ ਕੀਤਾ। 6ਵੇਂ, ਮੁਸਕਾਨ ਸ਼ਰਮਾ (91.25%) 9ਵੇਂ ਅਤੇ ਮੀਤ ਸਿਰਜਨਾ (91%) ਅਤੇ ਟਵਿੰਕਲ (91%) 10ਵੇਂ ਸਥਾਨ ‘ਤੇ ਰਹੇ।