ਲੁਧਿਆਣਾ : ਲੁਧਿਆਣਾ ਦੇ ਹੈਬੋਵਾਲ ਪੁਲੀ ਨੇੜੇ ਦੇਰ ਰਾਤ ਇਕ ਕਾਰ ਡੀਲਰ ਤੋਂ 11.5 ਲੱਖ ਰੁਪਏ ਦੀ ਲੁੱਟ ਹੋਈ ਹੈ। ਕਾਰੋਬਾਰੀ ਡਰਾਈਵਰ ਪੈਸੇ ਸਮੇਤ ਆਪਣੇ ਸ਼ੋਅਰੂਮ ਤੋਂ ਘਰ ਜਾ ਰਿਹਾ ਸੀ। ਜਲੰਧਰ ਬਾਈਪਾਸ ਨੇੜੇ ਪੀੜਤਾ ਦਾ ਕਾਰ ਦਾ ਸ਼ੋਅਰੂਮ ਹੈ। ਜਾਣਕਾਰੀ ਅਨੁਸਾਰ ਇਕ ਬਦਮਾਸ਼ ਨੇ ਪਹਿਲਾਂ ਕੁਝ ਦੂਰੀ ‘ਤੇ ਬਾਈਕ ਰੋਕੀ। ਇਸ ਤੋਂ ਬਾਅਦ ਦੂਜੇ ਨੇ ਡਰਾਈਵਰ ਨੂੰ ਦੱਸਿਆ ਕਿ ਉਸ ਦੀ ਗੱਡੀ ਦਾ ਟਾਇਰ ਪੰਕਚਰ ਹੋ ਗਿਆ ਹੈ। ਕਾਰ ਚਾਲਕ ਅਤੇ ਡਰਾਈਵਰ ਟਾਇਰ ਬਦਲਣ ਲੱਗੇ।
ਦੂਜੇ ਬਦਮਾਸ਼ ਨੇ ਕਾਰ ‘ਚ ਪਿਆ ਪੈਸਿਆਂ ਦਾ ਬੈਗ ਚੁਕਿਆ ਅਤੇ ਕੁਝ ਦੂਰੀ ‘ਤੇ ਖੜ੍ਹੇ ਸਾਥੀ ਬਾਈਕ ਸਵਾਰ ਨੂੰ ਲੈ ਕੇ ਫ਼ਰਾਰ ਹੋ ਗਏ। ਪੀੜਤ ਸ਼ਿਵ ਕੁਮਾਰ ਗਰਗ ਨੂੰ ਕਿਸੇ ਰਾਹਗੀਰ ਨੇ ਦੱਸਿਆ ਕਿ ਉਕਤ ਬਾਈਕ ਸਵਾਰ ਦੋ ਨੌਜਵਾਨ ਕਾਰ ‘ਚੋਂ ਉਸਦਾ ਬੈਗ ਖੋਹ ਕੇ ਫਰਾਰ ਹੋ ਗਏ ਹਨ। ਜਿਸ ‘ਤੋਂ ਬਾਅਦ ਉਸ ਨੇ ਤੁਰੰਤ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ। ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।