ਰਿਹਾਨਾ ਨੇ ਟੌਪਲੈਸ ਬੌਡੀ ‘ਤੇ ਪਹਿਨਿਆ ਗਣੇਸ਼ ਜੀ ਦਾ ਪੈਂਡੇਂਟ, ਧਾਰਮਿਕ ਵਿਵਾਦ ਭਖਿਆ

ਅਮਰੀਕੀ ਪੌਪ ਸਿੰਗਰ ਰਿਹਾਨਾ ਨੇ ਇਕ ਟਵੀਟ ਦੇਸ਼ ‘ਚ ਚੱਲ ਰਹੇ ਕਿਸਾਨ ਅੰਦੋਲਨ ਨੂੰ ਲੈਕੇ ਹਾਲ ਹੀ ‘ਚ ਕੀਤਾ ਸੀ । ਇਸ ਟਵੀਟ ਨੂੰ ਸਵ੍ਰਾ ਭਾਸਕਰ, ਰਿਚਾ ਚੱਢਾ, ਅਲੀ ਫਜਲ ਸਮੇਤ ਕਈ ਸੈਲੇਬਸ ਨੇ ਰੀਟਵੀਟ ਕੀਤਾ ਪਰ ਕੰਗਨਾ ਰਣੌਤ ਨੇ ਰਿਹਾਨਾ ਦੇ ਇਸ ਟਵੀਟ ‘ਤੇ ਰਿਪਲਾਈ ਕੀਤਾ ਪਰ ਕੰਗਨਾ ਰਣੌਤ ਨੇ ਰਿਹਾਨਾ ਦੇ ਇਸ ਟਵੀਟ ‘ਤੇ ਰਿਪਲਾਈ ਕੀਤਾ ਤੇ ਉਨ੍ਹਾਂ ਰਿਹਾਨਾ ਦੀ ਆਲੋਚਨਾ ਕੀਤੀ। ਇੰਨਾ ਹੀ ਨਹੀਂ ਕੰਗਨਾ ਨੇ ਰਿਹਾਨਾ ਨੂੰ ਮੂਰਖ ਤਕ ਕਹਿ ਦਿੱਤਾ।

ਇਸ ਤੋਂ ਬਾਅਦ ਦੇਸ਼ ‘ਚ ਕਈ ਸੈਲੇਬਸ ਨੇ ਰਿਹਾਨਾ ਦਾ ਵਿਰੋਧ ਕੀਤਾ ਤੇ ਭਾਰਤ ਦੇ ਅੰਦਰੂਨੀ ਮਾਮਲਿਆਂ ‘ਤੇ ਨਾ ਬੋਲਣ ਦੀ ਨਸੀਹਤ ਦਿੱਤੀ। ਅਜੇ ਇਹ ਮਾਮਲਾ ਸ਼ਾਂਤ ਵੀ ਨਹੀਂ ਹੋਇਆ ਸੀ ਕਿ ਰਿਹਾਨਾ ਨੇ ਇਕ ਹੋਰ ਵਿਵਾਦ ਖੜਾ ਕਰ ਦਿੱਤਾ ਹੈ। ਰਿਹਾਨਾ ਨੇ ਹਿੰਦੂ ਧਰਮ ‘ਚ ਵਿਸ਼ਵਾਸ ਰੱਖਣ ਵਾਲੇ ਕਰੋੜਾਂ ਲੋਕਾਂ ਨੂੰ ਭੜਕਾ ਦਿੱਤਾ। ਉਨ੍ਹਾਂ ਆਪਣੀ ਇਕ ਟੌਪਲੈਸ ਫੋਟੋ ਨੂੰ ਪ੍ਰਸ਼ੰਸਕਾਂ ਦੇ ਨਾਲ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤਾ। ਇਸ ਟੌਪਲੈਸ ਫੋਟੋ ‘ਚ ਉਨ੍ਹਾਂ ਭਗਵਾਨ ਗਣੇਸ਼ ਦਾ ਨੈਕਲੈਸ ਪਾਇਆ ਹੋਇਆ ਹੈ।

ਰਿਹਾਨਾ ਨੇ ਪਿੰਕ ਨਾਈਟ ਸ਼ੌਰਟਸ ਪਹਿਨਿਆ ਹੋਇਆ ਹੈ। ਉਨ੍ਹਾਂ ਡਾਇਮੰਡ ਦਾ ਬ੍ਰੇਸਲੇਟ, ਨੈਕਪੀਸ ਤੇ ਵੱਡੇ-ਵੱਡੇ ਈਅਰਿੰਗਸ ਪਹਿਨੇ ਹਨ। ਗਣਪਤੀ ਪੈਂਡੇਂਟ ‘ਚ ਡਾਇਮੰਡ ਵੀ ਜੜਿਆ ਹੋਇਆ ਹੈ। ਟੌਪਲੈਸ ਬੌਡੀ ‘ਤੇ ਗਣੇਸ਼ ਪੈਂਡੇਂਟ ਦੇਖ ਕੇ ਹਿੰਦੂ ਧਰਮ ‘ਚ ਵਿਸ਼ਵਾਸ ਕਰਨ ਵਾਲੇ ਲੋਕ ਰਿਹਾਨਾ ਦੀ ਆਲੋਚਨਾ ਕਰ ਰਹੇ ਹਨ।

ਇਕ ਟਵਿਟਰ ਯੂਜ਼ਰ ਨੇ ਲਿਖਿਆ, ‘ਰਿਹਾਨਾ, ਇਕ ਨਾਸਤਿਕ ਦੀ ਤਰ੍ਹਾਂ ਮੇਰੇ ਧਰਮ ਦਾ ਇਸਤੇਮਾਲ ਕਰਨਾ ਬੰਦ ਕਰੋ। ਚੇਨ ‘ਚ ਲਟਕੇ ਗਣੇਸ਼ ਜੀ ਨੂੰ ਤੁਰੰਤ ਹਟਾਓ।’