ਲੁਧਿਆਣਾ : ਪੰਜਾਬ ਸਕੂਲ ਸਿੱਖਿਆ ਬੋਰਡ 10ਵੀਂ ਅਤੇ 12ਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਵਾਧੂ ਵਿਸ਼ਿਆਂ ਅਤੇ ਨਤੀਜਿਆਂ ਵਿੱਚ ਸੁਧਾਰ ਲਈ ਪ੍ਰੀਖਿਆ ਵਿੱਚ ਬੈਠਣ ਦਾ ਮੌਕਾ ਦੇ ਰਿਹਾ ਹੈ ਤਾਂ ਜੋ ਇਮਤਿਹਾਨ ਰਾਹੀਂ ਵਿਦਿਆਰਥੀ ਆਪਣੇ ਨਤੀਜਿਆਂ ਨੂੰ ਬਿਹਤਰ ਢੰਗ ਨਾਲ ਲਿਆ ਸਕੇ, ਇਸ ਲਈ ਬੋਰਡ ਵੱਲੋਂ ਸ਼ਡਿਊਲ ਜਾਰੀ ਕਰ ਦਿੱਤਾ ਗਿਆ ਹੈ।
ਵਿਦਿਆਰਥੀਆਂ ਨੂੰ 10 ਜਨਵਰੀ ਤੱਕ ਵਾਧੂ ਵਿਸ਼ਿਆਂ ਲਈ 1050 ਰੁਪਏ ਅਤੇ ਨਤੀਜੇ ਸੁਧਾਰਨ ਲਈ 1700 ਰੁਪਏ ਆਨਲਾਈਨ ਫੀਸ ਅਦਾ ਕਰਨੀ ਪਵੇਗੀ। ਕੋਈ ਲੇਟ ਫੀਸ ਨਹੀਂ ਹੋਵੇਗੀ। ਇਸ ਤੋਂ ਬਾਅਦ 20 ਜਨਵਰੀ ਤੱਕ ਪ੍ਰੀਖਿਆ ਫੀਸ ਜਮਾਂ ਕਰਵਾਉਣ ਲਈ 500 ਰੁਪਏ ਲੇਟ ਫੀਸ, 30 ਜਨਵਰੀ ਤੱਕ 1000 ਰੁਪਏ ਲੇਟ ਫੀਸ ਅਤੇ 8 ਫਰਵਰੀ ਤੱਕ 2000 ਰੁਪਏ ਲੇਟ ਫੀਸ ਦੇਣੀ ਪਵੇਗੀ।
ਆਫ਼ਲਾਈਨ ਪ੍ਰੀਖਿਆ ਫਾਰਮ ਖੇਤਰੀ ਬੋਰਡ ਦਫ਼ਤਰਾਂ ਵਿੱਚ ਜਮ੍ਹਾਂ ਕਰਵਾਏ ਜਾਣਗੇ। ਜਿਸ ਲਈ ਆਖਰੀ ਮਿਤੀ 17 ਜਨਵਰੀ ਹੋਵੇਗੀ, ਉਸ ਤੋਂ ਬਾਅਦ 27 ਜਨਵਰੀ ਤੱਕ 500 ਰੁਪਏ, 7 ਫਰਵਰੀ ਤੱਕ ਇੱਕ ਹਜ਼ਾਰ ਰੁਪਏ ਅਤੇ 15 ਫਰਵਰੀ ਤੱਕ ਦੋ ਹਜ਼ਾਰ ਰੁਪਏ ਫੀਸ ਵਸੂਲੀ ਜਾਵੇਗੀ।