ਲੁਧਿਆਣਾ : ਪੀ ਏ ਯੂ ਦੇ ਸੰਚਾਰ ਕੇਂਦਰ ਦੇ ਡਾ ਜਗਵਿੰਦਰ ਸਿੰਘ ਜੋਧਾ ਨੂੰ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਨੇ ਪੋਸਟ ਗ੍ਰੈਜੂਏਟ ਬੋਰਡ ਆਫ ਸਟੱਡੀਜ਼ ਵਿਚ ਨਾਮਜ਼ਦ ਕੀਤਾ ਹੈ। ਪੰਜਾਬੀ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ ਅਰਵਿੰਦ ਵਲੋਂ ਇਹ ਨਾਮਜ਼ਦਗੀ ਪਾਠਕ੍ਰਮ ਦੇ ਬਾਹਰੀ ਮਾਹਿਰ ਵਜੋਂ ਦੋ ਸਾਲ ਦੇ ਵਕਫੇ ਲਈ ਕੀਤੀ ਗਈ ਹੈ। ਵਾਈਸ ਚਾਂਸਲਰ ਡਾ ਸਤਿਬੀਰ ਸਿੰਘ ਗੋਸਲ ਨੇ ਡਾ ਜੋਧਾ ਨੂੰ ਇਸ ਨਾਮਜ਼ਦਗੀ ਲਈ ਵਧਾਈ ਦਿੱਤੀ।
ਡਾ ਜਗਵਿੰਦਰ ਸਿੰਘ ਜੋਧਾ ਪੰਜਾਬ ਦੇ ਵੱਖ ਵੱਖ ਕਾਲਜਾਂ ਵਿਚ ਪੰਜਾਬੀ ਅਧਿਆਪਕ ਵਜੋਂ ਸੇਵਾ ਨਿਭਾਉਣ ਤੋਂ ਬਾਅਦ ਹੁਣ ਸੰਚਾਰ ਕੇਂਦਰ ਵਿਚ ਸੰਪਾਦਕ ਪੰਜਾਬੀ ਦੀ ਅਧਿਆਪਕੀ ਅਸਾਮੀ ਤੇ ਸੇਵਾ ਨਿਭਾ ਰਹੇ ਹਨ। ਪੰਜਾਬੀ ਵਿਚ ਸਿਰਜਣਾਤਮਕ, ਅਨੁਵਾਦ ਅਤੇ ਆਲੋਚਨਾ ਦੀਆਂ ਇਕ ਦਰਜਨ ਕਿਤਾਬਾਂ ਦੇ ਲੇਖਕ ਅਤੇ ਸੰਪਾਦਕ ਡਾ ਜੋਧਾ ਨੇ ਪੰਜਾਬ ਅਤੇ ਭਾਰਤ ਦੇ ਪ੍ਰਸਿੱਧ ਮੰਚਾਂ ਤੋਂ ਕਵਿਤਾ ਅਤੇ ਆਲੋਚਨਾਤਮਕ ਪੇਸ਼ਕਾਰੀਆਂ ਦਿੱਤੀਆਂ।