ਦ੍ਰਿਸ਼ਟੀ ਸਕੂਲ ਵਲੋਂ ਓਰੀਐਂਟੇਸ਼ਨ ਸੈਸ਼ਨ ‘ਰਾਈਜ਼ਿੰਗ ਗੁੱਡ ਹਿਊਮਨਜ਼’ ਦਾ ਆਯੋਜਨ

ਲੁਧਿਆਣਾ : ਦ੍ਰਿਸ਼ਟੀ ਡਾ ਆਰ ਸੀ ਜੈਨ ਇਨੋਵੇਟਿਵ ਪਬਲਿਕ ਸਕੂਲ ਵਲੋਂ ਪ੍ਰਾਇਮਰੀ ਸੈਕਟਰ ਲਈ ਓਰੀਐਂਟੇਸ਼ਨ ਸੈਸ਼ਨ ‘ਰਾਈਜ਼ਿੰਗ ਗੁੱਡ ਹਿਊਮਨਜ਼’ ਦਾ ਆਯੋਜਨ ਕੀਤਾ ਗਿਆ। ਸੈਕਟਰ ਇੰਚਾਰਜ, ਸ਼੍ਰੀਮਤੀ ਵਨੀਤਾ ਸ਼ਰਮਾ ਨੇ ਨਵੇਂ ਅਕਾਦਮਿਕ ਸੈਸ਼ਨ ਵਿੱਚ ਮਾਪਿਆਂ ਦਾ ਸਵਾਗਤ ਕੀਤਾ ਅਤੇ ਉਹਨਾਂ ਨੂੰ ਪਾਠਕ੍ਰਮ, ਸਕੂਲ ਦੇ ਨਿਯਮਾਂ ਅਤੇ ਅਧਿਨਿਯਮਾਂ, ਨਵੀਨਤਮ ਅਧਿਆਪਨ ਵਿਧੀਆਂ ਅਤੇ ਸਕੂਲ ਵੱਲੋਂ ਕੀਤੀਆਂ ਗਈਆਂ ਨਵੀਆਂ ਪਹਿਲਕਦਮੀਆਂ ਨਾਲ ਪਰਿਵਾਰੀਕਰਨ ਕੀਤਾ।

ਸ਼੍ਰੀਮਤੀ ਗੁਨਰੀਤ ਕੌਰ ਸਕੂਲ ਸਲਾਹਕਾਰ ਨੇ ਸਾਰੇ ਮਾਪਿਆਂ ਨੂੰ ਅਸਰਦਾਰ ਤਰੀਕੇ ਨਾਲ ਮਾਪਾਗਿਰੀ ਪ੍ਰਥਾਵਾਂ ਨਾਲ ਜਾਣ-ਪਛਾਣ ਕਰਵਾਈ। ਉਸ ਨੇ ਬੱਚਿਆਂ ਨੂੰ ਨਿਯੰਤਰਿਤ ਕਰਨ ਦੀ ਬਜਾਏ ਉਨ੍ਹਾਂ ਨਾਲ ਜੁੜਨ ‘ਤੇ ਵਧੇਰੇ ਜ਼ੋਰ ਦਿੱਤਾ। ਅੰਤ ਵਿਚ ਮਾਪਿਆਂ ਨੂੰ ਸੰਬੋਧਨ ਕਰਦਿਆਂ ਪਿ੍ਸੀਪਲ ਡਾ ਮਨੀਸ਼ਾ ਗੰਗਵਾਰ ਨੇ ਮਾਪਿਆਂ ਦਾ ਸਕੂਲ ਵਿਚ ਭਰਪੂਰ ਭਰੋਸਾ ਰੱਖਣ ਲਈ ਧੰਨਵਾਦ ਕੀਤਾ ਅਤੇ ਬੱਚਿਆਂ ਦੇ ਸਰਵਪੱਖੀ ਵਿਕਾਸ ਵਿਚ ਮਾਪਿਆਂ ਅਤੇ ਅਧਿਆਪਕਾਂ ਦੋਵਾਂ ਦੀ ਭੂਮਿਕਾ ਤੇ ਜ਼ੋਰ ਦਿੱਤਾ।