ਲੁਧਿਆਣਾ : ਖਾਲਸਾ ਕਾਲਜ ਫਾਰ ਵੂਮੈਨ, ਸਿਵਲ ਲਾਈਨਜ਼, ਲੁਧਿਆਣਾ ਦੇ ਅੰਗਰੇਜ਼ੀ ਵਿਭਾਗ ਨੇ ਰੇਡੀਓ ਜਰਨਲਿਜ਼ਮ ਦੇ ਵਿਦਿਆਰਥੀਆਂ ਲਈ ਏਆਈਆਰ ਐਫਐਮ ਗੋਲਡ 100.1 ਚੈਨਲ ਲੁਧਿਆਣਾ ਦਾ ਇੱਕ ਵਿਦਿਅਕ ਫੀਲਡ ਟਰਿੱਪ ਦਾ ਆਯੋਜਨ ਕੀਤਾ। ਵਿਦਿਆਰਥੀਆਂ ਨੇ ਸਟੂਡੀਓ ਦੇ ਇੰਚਾਰਜ ਸ੍ਰੀ ਨਵਦੀਪ ਸਿੰਘ ਅਤੇ ਤਕਨੀਕੀ ਸਟਾਫ਼ ਨਾਲ ਗੱਲਬਾਤ ਕੀਤੀ।
ਉਨ੍ਹਾਂ ਵਿਦਿਆਰਥੀਆਂ ਨੂੰ ਰੇਡੀਓ ਪੱਤਰਕਾਰੀ ਦੇ ਵੱਖ-ਵੱਖ ਪਹਿਲੂਆਂ ਤੋਂ ਜਾਣੂ ਕਰਵਾਇਆ। ਵਿਦਿਆਰਥੀਆਂ ਨੂੰ ਆਰਜੇ ਪ੍ਰੀਤੀ ਨਾਲ ਹੋਮ ਸਵੀਟ ਹੋਮ ਸਿਰਲੇਖ ਹੇਠ ਲਾਈਵ ਪ੍ਰੋਗਰਾਮ ‘ਗਾਗਰ ‘ਚ ਸਾਗਰ’ ਦੇ ਇੱਕ ਹਿੱਸੇ ਵਿੱਚ ਸ਼ਾਮਲ ਹੋਣ ਦਾ ਮੌਕਾ ਵੀ ਮਿਲਿਆ। ਉਨ੍ਹਾਂ ਨੇ ਰੇਡੀਓ ਲਈ ਲਿਖਣ ਦੀ ਪ੍ਰਕਿਰਿਆ ਦੇ ਨਾਲ-ਨਾਲ ਰੇਡੀਓ ਬ੍ਰਾਡਕਾਸਟ ਵਿੱਚ ਵਰਤੇ ਜਾਂਦੇ ਤਕਨੀਕੀ ਉਪਕਰਣਾਂ ਦੇ ਰੱਖ-ਰਖਾਅ ਅਤੇ ਸੰਚਾਲਨ ਬਾਰੇ ਵੀ ਜਾਣਿਆ।
ਵਿਦਿਆਰਥਣ ਭਵਿਆ ਗੋਇਲ ਨੇ ‘ਯੂਥ ਫੋਰਮ’ ਸਿਰਲੇਖ ਵਾਲੇ ਰੇਡੀਓ ਪ੍ਰੋਗਰਾਮ ਲਈ ਵੀ ਰਿਕਾਰਡ ਕੀਤਾ, ਜਿੱਥੇ ਉਸ ਨੇ ਮੇਜ਼ਬਾਨ ਵਜੋਂ ਕੰਮ ਕੀਤਾ ਅਤੇ ਆਜ਼ਾਦੀ ਸੰਗਰਾਮ ਦੇ ਸੱਤ ਅੰਦੋਲਨਾਂ ਬਾਰੇ ਗੱਲ ਕੀਤੀ। ਪ੍ਰਿੰਸੀਪਲ ਡਾ. ਮੁਕਤੀ ਗਿੱਲ ਨੇ ਵਿਦਿਅਕ ਟਰਿੱਪਾਂ ਦਾ ਆਯੋਜਨ ਕਰਨ ਲਈ ਸਟਾਫ ਦੀ ਸ਼ਲਾਘਾ ਕੀਤੀ।