ਲੁਧਿਆਣਾ : ਨਨਕਾਣਾ ਸਾਹਿਬ ਪਬਲਿਕ ਸਕੂਲ ਗਿੱਲ ਪਾਰਕ, ਲੁਧਿਆਣਾ ਵਿਖੇ ਨਰਸਰੀ ਅਤੇ ਐਲਕੇਜੀ ਜਮਾਤ ਦੇ ਵਿਦਿਆਰਥੀਆਂ ਲਈ ਫਰੈਸ਼ਰ ਪਾਰਟੀ ਦਾ ਆਯੋਜਨ ਕੀਤਾ ਗਿਆ। ਛੋਟੇ ਬੱਚਿਆਂ ਨੇ ਪਾਰਟੀ ਦੌਰਾਨ ਸ਼ਾਨਦਾਰ ਸਮਾਂ ਬਤੀਤ ਕੀਤਾ। ਉਨ੍ਹਾਂ ਨੇ ਵੱਖ-ਵੱਖ ਹਿੰਦੀ, ਪੰਜਾਬੀ ਅਤੇ ਅੰਗਰੇਜ਼ੀ ਨੰਬਰਾਂ ‘ਤੇ ਨਾਚ ਪੇਸ਼ ਕੀਤੇ। ਨਰਸਰੀ ਕਲਾਸ ਵਿਚੋਂ ਸਰਗੁਣ ਕੌਰ ਨੇ ਮਿਸ ਫਰੈਸ਼ਰ ਦਾ ਬੈਜ ਜਿੱਤਿਆ ਅਤੇ ਸਾਹਿਬ ਸਿੰਘ ਨੂੰ ਮਾਸਟਰ ਫਰੈਸ਼ਰ ਦਾ ਬੈਜ ਦਿੱਤਾ ਗਿਆ।
ਐਲਕੇਜੀ ਵਿੱਚੋਂ ਫਤਿਹ ਸਿੰਘ ਤੇ ਦਿਲਨੂਰ ਕੌਰ ਨੇ ਕ੍ਰਮਵਾਰ ਮਾਸਟਰ ਫਰੈਸ਼ਰ ਤੇ ਮਿਸ ਫਰੈਸ਼ਰ ਦਾ ਖਿਤਾਬ ਜਿੱਤਿਆ। ਨਵੇਂ ਆਉਣ ਵਾਲਿਆਂ ਨੂੰ ਵਧਾਈ ਦਿੰਦਿਆਂ ਸਕੂਲ ਦੇ ਪਿ੍ੰਸੀਪਲ ਸ੍ਰੀਮਤੀ ਹਰਮੀਤ ਕੌਰ ਵੜੈਚ ਨੇ ਆਉਣ ਵਾਲੇ ਸਾਰੇ ਸਾਲਾਂ ਲਈ ਸ਼ੁੱਭਕਾਮਨਾਵਾਂ ਦਿੱਤੀਆਂ | ਸ਼੍ਰੀਮਤੀ ਜਸਮੀਨ ਕੌਰ ਪ੍ਰਾਇਮਰੀ ਇੰਚਾਰਜ ਵੀ ਮੌਜ਼ੂਦ ਸੀ। ਇਸ ਮੌਕੇ ਛੋਟੇ-ਛੋਟੇ ਬੱਚਿਆਂ ਵਲੋਂ ਇੱਕ ਵਿਸ਼ੇਸ਼ ਕੇਕ ਵੀ ਕੱਟਿਆ ਗਿਆ ਸੀ।