ਲੁਧਿਆਣਾ : ਰਾਮਗੜ੍ਹੀਆ ਕਾਲਜ ਲੁਧਿਆਣਾ ਵਿਖੇ ਰਾਧਿਕਾ ਜੈਤਵਾਨੀ ਦੀ ਲਿਖੀ ਪੁਸਤਕ “ਦਾ ਪਰਲ ਆਫ਼ ਲੁਧਿਆਣਾ” ਰਿਲੀਜ਼ ਕੀਤੀ ਗਈ। ਇਸ ਮੌਕੇ ਰਾਧਿਕਾ ਜੈਤਵਾਨੀ ਉਹਨਾਂ ਦੇ ਪਤੀ ਵਿਜੈ ਜੈਤਵਾਨੀ ਦੇ ਕਾਲਜ ਪਹੁੰਚਣ ‘ਤੇ ਰਾਮਗੜ੍ਹੀਆ ਐਜੂਕੇਸ਼ਨਲ ਕੌਂਸਲ ਦੇ ਪ੍ਰਧਾਨ ਰਣਜੋਧ ਸਿੰਘ ਅਤੇ ਕਾਲਜ ਦੇ ਪ੍ਰਿਸੀਪਲ ਜਸਪਾਲ ਕੌਰ ਨੇ ਹਾਰਦਿਕ ਜੀ ਆਇਆ ਕਿਹਾ। ਇਹ ਪੁਸਤਕ ਲੇਖਿਕਾ ਨੇ ਆਪਣੇ ਪਿਤਾ ਜਗਦੀਸ਼ ਲਾਲ ਬਹਿਲ ਦੇ ਜੀਵਨ ਨੂੰ ਆਧਾਰ ਬਣਾ ਕੇ ਲਿਖੀ ਹੈ।
ਰਣਜੋਧ ਸਿੰਘ ਨੇ ਇਸ ਪੁਸਤਕ ਬਾਰੇ ਜਾਣਕਾਰੀ ਸਾਂਝੀ ਕਰਦੇ ਦੱਸਿਆ ਕਿ ਇਸ ਪੁਸਤਕ ਨੂੰ ਪੜ੍ਹ ਕੇ ਲੁਧਿਆਣਾ ਸ਼ਹਿਰ ਦੇ ਪੁਰਾਤਨ ਸਮੇਂ ਦਾ ਇਤਿਹਾਸ ਤਸਵੀਰਾਂ ਸਮੇਤ ਪਤਾ ਲਗਦਾ ਹੈ,ਇਹ ਪੁਸਤਕ ਜਾਣਕਾਰੀ ਦਾ ਮਹਾਨ ਸੋਮਾ ਹੈ। ਰਾਧਿਕਾ ਨੇ ਇਸ ਪੁਸਤਕ ਬਾਰੇ ਆਪਣੇ ਵਿਚਾਰ ਪੇਸ਼ ਕਰਦੇ ਕਿਹਾ ਕਿ ਇਹ ਪੁਸਤਕ ਮੇਰੇ ਪਾਪਾ ਦੇ ਜੀਵਨ ਵਿੱਚ ਵਾਪਰੀਆਂ ਘਟਨਾਵਾਂ ਉਪਰ ਅਧਾਰਿਤ ਹੈ,ਜਿਸ ਵਿੱਚ ਉਹਨਾਂ ਦੁਆਰਾ ਕੀਤੀ ਮਿਹਨਤ ਤੇ ਘਾਲਣਾ ਦਾ ਇਤਿਹਾਸ ਹੈ।