ਲੁਧਿਆਣਾ : ਦਰਅਸਲ, ਪੰਜਾਬ ਸਟੇਟ ਮਿਡ ਡੇ ਮੀਲ ਸੁਸਾਇਟੀ ਨੇ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀਆਂ ਨੂੰ ਪੱਤਰ ਜਾਰੀ ਕਰਕੇ ਹਦਾਇਤ ਕੀਤੀ ਹੈ ਕਿ ਜੇਕਰ ਚੋਣਾਂ ਦੌਰਾਨ ਕੋਈ ਕੁੱਕ ਜਾਂ ਹੈਲਪਰ ਜਿੱਤ ਗਿਆ ਹੈ ਤਾਂ ਉਹ ਕੁੱਕ ਕਮ ਹੈਲਪਰ ਵਜੋਂ ਕੰਮ ਨਹੀਂ ਕਰ ਸਕਦਾ। ਮਿਡ ਡੇ ਮੀਲ ਸੁਸਾਇਟੀ ਦਾ ਕਹਿਣਾ ਹੈ ਕਿ ਪੰਚਾਇਤੀ ਚੋਣਾਂ ਵਿੱਚ ਕਈ ਕੁੱਕ-ਕਮ-ਹੈਲਪਰਾਂ ਨੇ ਹਿੱਸਾ ਲਿਆ ਅਤੇ ਚੋਣਾਂ ਜਿੱਤਣ ਤੋਂ ਬਾਅਦ ਪੰਚਾਇਤ ਮੈਂਬਰ ਵਜੋਂ ਕੰਮ ਕਰ ਰਹੇ ਹਨ।ਇਸ ਲਈ ਜਿਹੜੇ ਕੁੱਕ-ਕਮ ਹੈਲਪਰਾਂ ਨੇ ਪੰਚਾਇਤੀ ਚੋਣਾਂ ਜਿੱਤੀਆਂ ਹਨ, ਉਹ ਮਿਡ ਡੇ ਮੀਲ ਵਿੱਚ ਕੁੱਕ-ਕਮ ਹੈਲਪਰ ਵਜੋਂ ਕੰਮ ਨਹੀਂ ਕਰ ਸਕਦੇ। ਇੱਕ ਕੁੱਕ ਕਮ ਹੈਲਪਰ ਇੱਕੋ ਸਮੇਂ ਪੰਚਾਇਤ ਮੈਂਬਰ ਅਤੇ ਇੱਕ ਰਸੋਈਏ ਦੀਆਂ ਦੋਵੇਂ ਡਿਊਟੀਆਂ ਨਹੀਂ ਕਰ ਸਕਦਾ।
