ਲੁਧਿਆਣਾ : ਅਦਾਲਤ ‘ਚ ਆਈ ਔਰਤ ਦੀ ਸਕੂਟਰੀ ਉਸ ਦੇ ਪਤੀ ਨੇ ਚੋਰੀ ਕਰ ਲਈ । ਸਕੂਟਰ ਦੀ ਡਿੱਗੀ ਵਿਚ 40,000 ਰੁਪਏ ਦੀ ਨਕਦੀ ਸੀ। ਔਰਤ ਨੇ ਰੌਲਾ ਪਾਇਆ ਤਾਂ ਸੀ ਸੀ ਟੀ ਵੀ ਕੈਮਰੇ ਚੈੱਕ ਕੀਤੇ ਗਏ। ਫੁਟੇਜ ਤੋਂ ਪਤਾ ਲੱਗਾ ਹੈ ਕਿ ਸਕੂਟਰ ਉਸ ਦੇ ਪਤੀ ਹਰਪ੍ਰੀਤ ਸਿੰਘ ਨੇ ਚੋਰੀ ਕੀਤਾ ਸੀ। ਡਵੀਜ਼ਨ ਨੰਬਰ 5 ਦੀ ਪੁਲਿਸ ਨੇ ਉਸ ਨੂੰ ਗ੍ਰਿਫਤਾਰ ਕਰਕੇ ਉਸ ਦੇ ਕਬਜ਼ੇ ਵਿਚੋਂ ਚੋਰੀ ਕੀਤਾ ਸਕੂਟਰ ਅਤੇ ਨਕਦੀ ਬਰਾਮਦ ਕੀਤੀ ਹੈ।
ਕਿਰਨਦੀਪ ਨੇ ਪੁਲਸ ਨੂੰ ਦੱਸਿਆ ਕਿ ਹਰਪ੍ਰੀਤ ਨਾਲ ਵਿਆਹ ਤੋਂ ਕੁਝ ਸਮੇਂ ਬਾਅਦ ਹੀ ਦੋਵਾਂ ਦਾ ਘਰੇਲੂ ਝਗੜਾ ਸ਼ੁਰੂ ਹੋ ਗਿਆ। ਉਹ 2012 ਤੋਂ ਅਲੱਗ ਰਹਿ ਰਹੀ ਹੈ। ਦੋਵਾਂ ਵਿਚਾਲੇ ਕੇਸ ਅਦਾਲਤ ਵਿੱਚ ਵਿਚਾਰ ਅਧੀਨ ਹੈ। ਕਿਰਨਦੀਪ ਨੇ ਦੱਸਿਆ ਕਿ 14 ਨਵੰਬਰ ਨੂੰ ਉਹ ਆਪਣੇ ਜੁਪੀਟਰ ਸਕੂਟਰ ‘ਤੇ ਅਦਾਲਤ ਆਈ ਸੀ। ਉਸ ਦੀ ਡਿੱਗੀ ਵਿਚ 40,000 ਰੁਪਏ ਨਕਦ ਸਨ। ਇਸ ਨੂੰ ਜ਼ਿਲ੍ਹਾ ਅਦਾਲਤ ਦੇ ਪਿਛਲੇ ਪਾਸੇ ਨਿੱਜੀ ਪਾਰਕਿੰਗ ਵਿੱਚ ਪਾਰਕ ਕਰਨ ਤੋਂ ਬਾਅਦ, ਉਹ ਅਦਾਲਤ ਵਿੱਚ ਚਲੀ ਗਈ।