ਲੁਧਿਆਣਾ ਪੂਰਬੀ ਦੇ ਵੋਟਰ ਮੁੱਢਲੀਆਂ ਸਹੂਲਤਾਂ ਦੁਆਉਣ ਲਈ ਵੋਟ ਪਾਉਣਗੇ – ਤਲਵਾੜ

ਲੁਧਿਆਣਾ : ਲੁਧਿਆਣਾ ਪੂਰਬੀ ਤੋਂ ਕਾਂਗਰਸੀ ਉਮੀਦਵਾਰ ਸੰਜੇ ਤਲਵਾੜ ਨੇ ਚੋਣ ਪ੍ਰਚਾਰ ਦੇ ਅੰਤਿਮ ਦਿਨ ਵੱਖ-ਵੱਖ ਥਾਵਾਂ ‘ਤੇ ਮੀਟਿੰਗਾਂ ਵਿਚ ਆਪਣੇ ਵਲੋਂ ਕਰਵਾਏ ਵਿਕਾਸ, ਸਿੱਖਿਆ, ਸੁਰੱਖਿਆ ਤੇ ਉਪਲੱਬਧ ਕਰਵਾਈਆਂ ਅਤੇ ਸਿਹਤ ਸੇਵਾਵਾਂ ਸਹਿਤ ਹੋਰ ਮੁੱਢਲੀਆਂ ਸਹੂਲਤਾਂ ਦੀ ਜਾਣਕਾਰੀ ਲੋਕਾਂ ਤੱਕ ਪੰਹੁਚਾਈ।

ਸ੍ਰੀ ਤਲਵਾੜ ਨੇ ਰਾਜਨੀਤੀ ਨੂੰ ਵਪਾਰ ਨਹੀਂ ਸੇਵਾ ਦਾ ਸਾਧਨ ਦੱਸਦੇ ਹੋਏ ਕਿਹਾ ਕਿ ਦਿੱਤੀਆਂ ਗਈਆਂ ਮੁੱਢਲੀਆਂ ਸਹੂਲਤਾਂ ਦੇ ਬਦਲੇ ਹਲਕਾ ਵਾਸੀ ਉਸ ਨੂੰ ਹੀ ਵੋਟ ਪਾ ਕੇ ਇਕ ਵਾਰ ਫਿਰ ਸੇਵਾ ਕਰਨ ਦਾ ਮੌਕੇ ਦੇਣਗੇ।

ਵਿਧਾਇਕ ਤਲਵਾੜ ਨੇ ਆਪਣੇ ਕਾਰਜਕਾਲ ਵਿਚ ਹੋਏ ਵਿਕਾਸ ਦੀ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਅਜੇ ਕੁੱਝ ਕਾਰਜ ਪਾਈਪਲਾਈਨ ਵਿਚ ਹਨ, ਜਿਨ੍ਹਾਂ ਨੂੰ ਪੂਰਾ ਕਰਨ ਲਈ ਉਨ੍ਹਾਂ ਨੇ ਇੱਕ ਮੌਕਾ ਹੋਰ ਦੇਣ ਦੀ ਅਪੀਲ ਸਥਾਨਕ ਨਿਵਾਸੀਆਂ ਨੂੰ ਕਰਦੇ ਹੋਏ ਕਿਹਾ ਕਿ ਜੇਕਰ ਦੂਜੀ ਵਾਰ ਬਤੋਰ ਵਿਧਾਇਕ ਸੇਵਾ ਦਾ ਮੌਕਾ ਮਿਲਿਆ ਤਾਂ ਅਪਣੇ ਸੁਪਣੀਆਂ ਦੇ ਵਿਧਾਨਸਭਾ ਪੂਰਬੀ ਦੀ ਉਸਾਰੀ ਵਿਚ ਕੋਈ ਕਸਰ ਨਹੀਂ ਛੱਡਣਗੇ।