ਗੁਰੂ ਨਾਨਕ ਇੰਟਰਨੈਸ਼ਨਲ ਸਕੂਲ ‘ਚ ਕਰਵਾਈ ਐਲਐਸਐਸਸੀ ਐਥਲੈਟਿਕ ਮੀਟ

ਲੁਧਿਆਣਾ : ਗੁਰੂ ਨਾਨਕ ਇੰਟਰਨੈਸ਼ਨਲ ਪਬਲਿਕ ਸਕੂਲ, ਮਾਡਲ ਟਾਊਨ, ਲੁਧਿਆਣਾ ਵਿਖੇ ਲੜਕੇ ਅਤੇ ਲੜਕੀਆਂ ਲਈ ਦੋ ਦਿਨਾਂ ਐਲਐਸਐਸਸੀ (ਸੈਂਟਰਲ ਜ਼ੋਨ) ਐਥਲੈਟਿਕ ਮੀਟ (ਅੰਡਰ-14)ਸ਼ੁਰੂ ਹੋਈ। ਇਸ ਵਿਚ ਸ਼ਹਿਰ ਦੇ 18 ਸਕੂਲਾਂ ਨੇ ਹਿੱਸਾ ਲਿਆ। ਐਲਐਸਐਸਸੀ ਅਥਲੈਟਿਕ ਮੀਟ ਦੀ ਸ਼ੁਰੂਆਤ ਸ਼ਬਦ ਗਾਇਨ ਨਾਲ ਕੀਤੀ ਗਈ, ਜਿਸ ਤੋਂ ਬਾਅਦ ਸਕੂਲ ਦੀ ਪ੍ਰਿੰਸੀਪਲ ਸ੍ਰੀਮਤੀ ਗੁਰਮੰਤ ਕੌਰ ਗਿੱਲ ਨੇ ਅਥਲੈਟਿਕ ਮੀਟ ਨੂੰ ਓਪਨ ਐਲਾਨ ਕੇ ਸਵਾਗਤੀ ਭਾਸ਼ਣ ਦਿੱਤਾ।

ਉਦਘਾਟਨੀ ਸਮਾਰੋਹ ਦੇ ਹਿੱਸੇ ਵਜੋਂ ਵਿਦਿਆਰਥੀਆਂ ਨੇ ਇੱਕ ਸਨਮਾਨਜਨਕ ਮਾਰਚ ਦਾ ਪ੍ਰਦਰਸ਼ਨ ਕੀਤਾ ਅਤੇ ਵਿਦਿਆਰਥੀਆਂ ਨੇ ਰੰਗਾਰੰਗ ਡਾਂਸ ਪੇਸ਼ਕਾਰੀ ਵੀ ਪੇਸ਼ ਕੀਤੀ। ਭਾਗ ਲੈਣ ਵਾਲੇ ਵਿਦਿਆਰਥੀਆਂ ਦਾ ਉਤਸ਼ਾਹ ਅਤੇ ਸਪੋਰਟਸਮੈਨ ਸਪ੍ਰਾਈਟ ਪ੍ਰੇਰਣਾਦਾਇਕ ਸੀ। ਪਹਿਲੇ ਦਿਨ ਲੜਕੀਆਂ ਅੰਡਰ-14 ਨੇ ਵੱਖ-ਵੱਖ ਮੁਕਾਬਲਿਆਂ ਜਿਵੇਂ ਕਿ 100 ਮੀਟਰ, 200 ਮੀਟਰ, 400 ਮੀਟਰ, 600 ਮੀਟਰ ਦੌੜ, ਲੰਬੀ ਛਾਲ, ਸ਼ਾਟਪੁੱਟ, 4X100 ਰਿਲੇਅ ਰੇਸ ਵਿਚ ਭਾਗ ਲਿਆ।

ਪ੍ਰਿੰਸੀਪਲ ਸ੍ਰੀਮਤੀ ਗੁਰਮੰਤ ਕੌਰ ਗਿੱਲ ਨੇ ਭਾਗ ਲੈਣ ਵਾਲਿਆਂ ਦੀ ਸ਼ਲਾਘਾ ਕਰਦਿਆਂ ਕਿਹਾ “ਐਥਲੈਟਿਕ ਮੀਟ ਦਾ ਮਕਸਦ ਪ੍ਰਾਇਮਰੀ ਪੱਧਰ ‘ਤੇ ਆਤਮ ਵਿਸ਼ਵਾਸ ਅਤੇ ਟੀਮ ਭਾਵਨਾ ਨੂੰ ਵਧਾਉਣਾ ਹੈ। ਇਹ ਚਰਿੱਤਰ ਨੂੰ ਢਾਲਣ ਵਾਲੀ ਸਿਖਿਆ ਦਾ ਇਕ ਅਨਿੱਖੜਵਾਂ ਅੰਗ ਹੈ।