ਤੁਲਸੀ ਦੇ ਪੌਦੇ ਨੂੰ ਹਿੰਦੂ ਧਰਮ ਵਿੱਚ ਪੂਜਿਆ ਜਾਂਦਾ ਹੈ। ਤੁਲਸੀ ਨਾ ਸਿਰਫ਼ ਧਾਰਮਿਕ ਨਜ਼ਰੀਏ ਤੋਂ ਮਹੱਤਵ ਰੱਖਦੀ ਹੈ ਬਲਕਿ ਆਯੁਰਵੇਦ ‘ਚ ਵੀ ਇਸ ਦੇ ਕਈ ਫਾਇਦੇ ਦੱਸੇ ਗਏ ਹਨ। ਇਸ ਤੋਂ ਇਲਾਵਾ ਤੁਲਸੀ ਨਾਲ ਜੁੜੇ ਕਈ ਨਿਯਮ ਹਨ ਜਿਨ੍ਹਾਂ ਨੂੰ ਧਿਆਨ ਵਿਚ ਰੱਖਣਾ ਜ਼ਰੂਰੀ ਹੈ। ਸ਼ਾਸਤਰਾਂ ਵਿੱਚ ਤੁਲਸੀ ਦੇ ਪੱਤੇ ਦੀ ਮਹਿਮਾ ਇੰਨੀ ਦੱਸੀ ਗਈ ਹੈ ਕਿ ਇਸ ਦੀ ਇੱਕ ਪੱਤਾ ਵੀ ਸ਼ਰਾਧ ਤੇ ਯੱਗ ਆਦਿ ਵਿੱਚ ਪੁੰਨ ਦੇਣ ਦਾ ਕੰਮ ਕਰਦਾ ਹੈ। ਤੁਲਸੀ ਦੇ ਪੌਦੇ ਵਿੱਚ ਮਾਂ ਲਕਸ਼ਮੀ ਦਾ ਵਾਸ ਮੰਨਿਆ ਜਾਂਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਜਿਸ ਘਰ ਵਿੱਚ ਰੋਜ਼ਾਨਾ ਤੁਲਸੀ ਦੀ ਪੂਜਾ ਕੀਤੀ ਜਾਂਦੀ ਹੈ, ਉੱਥੇ ਹਮੇਸ਼ਾ ਖੁਸ਼ਹਾਲੀ ਬਣੀ ਰਹਿੰਦੀ ਹੈ।
ਐਤਵਾਰ ਨੂੰ ਕਿਉਂ ਨਹੀਂ ਤੋੜਦੇ ਪੱਤੇ
ਪੌਰਾਣਿਕ ਮਾਨਤਾਵਾਂ ਅਨੁਸਾਰ ਤੁਲਸੀ ਭਗਵਾਨ ਵਿਸ਼ਨੂੰ ਨੂੰ ਬਹੁਤ ਪਿਆਰੀ ਹੈ। ਇਸ ਦੇ ਨਾਲ ਹੀ ਹਿੰਦੂ ਮਾਨਤਾਵਾਂ ਦੇ ਮੁਤਾਬਕ ਐਤਵਾਰ ਦਾ ਦਿਨ ਭਗਵਾਨ ਵਿਸ਼ਨੂੰ ਨੂੰ ਵੀ ਸਮਰਪਿਤ ਹੈ। ਇਸ ਲਈ ਐਤਵਾਰ ਨੂੰ ਤੁਲਸੀ ਨੂੰ ਤੋੜਨਾ ਵਰਜਿਤ ਮੰਨਿਆ ਜਾਂਦਾ ਹੈ।
ਇਨ੍ਹਾਂ ਦਿਨਾਂ ‘ਤੇ ਵੀ ਨਾ ਤੋੜੋ ਤੁਲਸੀ ਨੂੰ
ਐਤਵਾਰ ਤੋਂ ਇਲਾਵਾ ਚੰਦਰ ਗ੍ਰਹਿਣ, ਸੂਰਜ ਗ੍ਰਹਿਣ, ਇਕਾਦਸ਼ੀ, ਦ੍ਵਾਦਸ਼ੀ ਤੇ ਸੂਰਜ ਡੁੱਬਣ ਤੋਂ ਬਾਅਦ ਤੁਲਸੀ ਦੇ ਪੱਤਿਆਂ ਨੂੰ ਤੋੜਨਾ ਵੀ ਵਰਜਿਤ ਮੰਨਿਆ ਜਾਂਦਾ ਹੈ। ਕਿਉਂਕਿ ਇਹ ਮੰਨਿਆ ਜਾਂਦਾ ਹੈ ਕਿ ਇਨ੍ਹਾਂ ਤਰੀਕਾਂ ‘ਤੇ ਤੁਲਸੀ ਜੀ ਭਗਵਾਨ ਸ਼੍ਰੀ ਹਰਿ ਲਈ ਨਿਰਜਲਾ ਵਰਤ ਰੱਖਦੀ ਹੈ। ਇਸ ਲਈ ਇਨ੍ਹਾਂ ਦਿਨਾਂ ‘ਚ ਤੁਲਸੀ ਨੂੰ ਤੋੜਨ ਤੋਂ ਬਚਣਾ ਚਾਹੀਦਾ ਹੈ। ਨਾਲ ਹੀ ਇਨ੍ਹਾਂ ਤਰੀਕਾਂ ‘ਤੇ ਤੁਲਸੀ ਨੂੰ ਜਲ ਨਹੀਂ ਚੜ੍ਹਾਇਆ ਜਾਂਦਾ ਹੈ।