ਲੁਧਿਆਣਾ :ਕਮਲਾ ਲੋਹਟੀਆ ਸਨਾਤਨ ਧਰਮ ਕਾਲਜ, ਲੁਧਿਆਣਾ ਦੇ ਵਿਦਿਆਰਥੀ ਨੇ ਬੀਐਸਐਫ ਵਿੱਚ ਚੋਣ ਕਰਵਾ ਕੇ ਆਪਣੀ ਮਾਂ ਸੰਸਥਾ ਦਾ ਮਾਣ ਵਧਾਇਆ ਹੈ। ਬੀਏ ਦੇ ਪਾਸ ਆਊਟ ਵਿਦਿਆਰਥੀ ਜੋਗਿੰਦਰ ਕੌਸ਼ਿਕ ਦੀ 2021 ਵਿਚ ਹੋਈਆਂ ਸਬੰਧਤ ਪ੍ਰੀਖਿਆਵਾਂ ਨੂੰ ਪਾਸ ਕਰਕੇ ਸੀਮਾ ਸੁਰੱਖਿਆ ਬਲ ਵਿਚ ਬਤੌਰ ਕਾਂਸਟੇਬਲ ਚੁਣਿਆ ਗਿਆ ਹੈ।
ਪ੍ਰਿੰਸੀਪਲ ਪ੍ਰੋ ਸੰਦੀਪ ਚਾਨਾ ਨੇ ਇਸ ਪ੍ਰਾਪਤੀ ਲਈ ਵਿਦਿਆਰਥੀ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਇਸ ਤਰ੍ਹਾਂ ਦੇ ਵਚਨਬੱਧ ਅਤੇ ਮਿਹਨਤੀ ਵਿਦਿਆਰਥੀ ਦੂਜਿਆਂ ਲਈ ਰੋਲ ਮਾਡਲ ਵਜੋਂ ਕੰਮ ਕਰਦੇ ਹਨ। ਕਾਲਜ ਦੀ ਪ੍ਰਬੰਧਕੀ ਕਮੇਟੀ ਦੇ ਕਾਰਜਕਾਰੀ ਪ੍ਰਧਾਨ ਸ੍ਰੀ ਸੁਨੀਲ ਅਗਰਵਾਲ ਨੇ ਵੀ ਵਿਦਿਆਰਥੀ ਨੂੰ ਵਧਾਈ ਦਿੱਤੀ।