ਲੁਧਿਆਣਾ : ਬੀਆਰਐੱਸ ਨਗਰ ਬਲਾਕ ਜੇ ਇਕ ਘਰ ਚੋਂ ਲੱਖਾਂ ਰੁਪਏ ਦੇ ਗਹਿਣੇ ਚੋਰੀ ਹੋਣ ਦੀ ਘਟਨਾ ਸਾਹਮਣੇ ਆਈ ਹੈ| CCTV ‘ਚ ਸਾਹਮਣੇ ਆਇਆ ਕਿ ਘਰ ਦੀ ਨੌਕਰਾਣੀ ਮੰਜੇ ਤੇ ਪਏ ਡਾਇਮੰਡ ਦੇ ਟੋਪਸ ਚੋਰੀ ਕਰ ਰਹੀ ਸੀ| ਪਰਿਵਾਰਕ ਮੈਂਬਰਾਂ ਨੂੰ ਖਦਸ਼ਾ ਹੈ ਕਿ ਘਰ ਚੋਂ ਪੰਜ ਤੋਲੇ ਦਾ ਕੜਾ ਅਤੇ ਮੁੰਦਰੀਆਂ ਚੀ ਨੌਕਰਾਣੀ ਨੇ ਹੀ ਚੋਰੀ ਕੀਤੀਆਂ ਹੋਣਗੀਆਂ| ਥਾਣਾ ਸਰਾਭਾ ਨਗਰ ਦੀ ਪੁਇਸ ਨੇ ਬੀ ਐਸ ਨਗਰ ਦੀ ਰਹਿਣ ਵਾਲੀ ਚਰਨਜੀਤ ਕੌਰ ਦੇ ਬਿਆਨ ਉੱਪਰ ਰਾਂਚੀ ਕਲੋਨੀ ਦੀ ਵਾਸੀ ਨੌਕਰਾਣੀ ਤੇਪਸਵਰੀ ਦੇ ਖਿਲਾਫ ਮੁਕੱਦਮਾ ਦਰਜ ਕਰ ਲਿਆ ਹੈ|
ਥਾਣਾ ਸਰਾਭਾ ਨਗਰ ਦੀ ਪੁਇਸ ਨੂੰ ਜਾਣਕਾਰੀ ਦਿੰਦਿਆਂ ਚਰਨਜੀਤ ਕੌਰ ਨੇ ਦੱਸਿਆ ਕਿ 2 ਦਸੰਬਰ ਨੂੰ ਉਸਨੇ ਸਵੇਰੇ ਸਾਢੇ ਛੇ ਵਜੇ ਦੇ ਕਰੀਬ ਘਰ ਦੇ ਵੇਹੜੇ ਵਿਚ ਮੰਜੇ ਤੇ ਡਾਇਮੰਡ ਦੇ ਟੋਪਸ ਰੱਖ ਦਿੱਤੇ| ਕੁਝ ਸਮੇਂ ਬਾਅਦ ਚਰਨਜੀਤ ਕੌਰ ਨੇ ਦੇਖਿਆ ਕਿ ਟੋਪਸ ਚੋਰੀ ਹੋ ਚੁੱਕੇ ਸਨ| ਪਰਿਵਾਰਕ ਮੈਂਬਰਾਂ ਨੇ ਜਦ ਘਰ ਵਿੱਚ ਲੱਗੇ ਸੀਸੀਟੀਵੀ ਕੈਮਰੇ ਦੀ ਫੁਟੇਜ ਤੇ ਝਾਤੀ ਮਾਰੀਏ ਤਾਂ ਸਾਹਮਣੇ ਆਇਆ ਹੈ ਕਿ ਨੌਕਰਾਣੀ ਮੰਜੇ ਤੇ ਪਏ ਟੋਪਸ ਚੋਰੀ ਕਰ ਰਹੀ ਸੀ| ਪੁਲਿਸ ਨੇ ਚਰਨਜੀਤ ਕੌਰ ਦੇ ਬਿਆਨਾਂ ਉਪਰ ਨੌਕਰਾਣੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ|