ਲੁਧਿਆਣਾ : ਮਾਸਟਰ ਤਾਰਾ ਸਿੰਘ ਮੈਮੋਰੀਅਲ ਕਾਲਜ ਫਾਰ ਵੂਮੈਨ, ਲੁਧਿਆਣਾ ਵਿੱਖੇ ਅੰਤਰਰਾਸ਼ਟਰੀ ਯੋਗਾ ਦਿਵਸ ਮਨਾਇਆ ਗਿਆ ਸੀ। ਇਸ ਪ੍ਰੋਗਰਾਮ ਦਾ ਸੰਚਾਲਨ ਡਾ ਕਵਲਜੀਤ ਕੌਰ ਅਤੇ ਐੱਨਸੀਸੀ ਦੀ ਇੰਚਾਰਜ ਮਿਸ ਸੋਨਾਲੀ ਨੇ ਕੀਤਾ। ਡਾ ਕੰਵਲਜੀਤ ਕੌਰ ਨੇ ਯੋਗ ਟ੍ਰੇਨਰ ਦੇ ਤੌਰ ਤੇ ਆਸਨਾਂ ਦਾ ਲੰਬਾ ਸੈਸ਼ਨ ਆਯੋਜਿਤ ਕੀਤਾ ਅਤੇ ਹਰ ਰੋਜ਼ ਯੋਗ ਦਾ ਅਭਿਆਸ ਕਰਨ ਦੀ ਲੋੜ ‘ਤੇ ਜ਼ੋਰ ਦਿੱਤਾ।
ਉਨ੍ਹਾਂ ਨੇ ਯੋਗਾ ਅਭਿਆਸ ਦੀ ਮਹੱਤਤਾ ਬਾਰੇ ਚਾਨਣਾ ਪਾਇਆ ਜਿਸ ਨਾਲ ਬਿਹਤਰ ਮਾਨਸਿਕ ਅਤੇ ਸਰੀਰਕ ਤੰਦਰੁਸਤੀ ਮਿਲਦੀ ਹੈ। ਵਿਦਿਆਰਥੀਆਂ ਨੂੰ ਵੱਖ-ਵੱਖ ਯੋਗਾਸਨ ਅਤੇ ਪ੍ਰਾਣਾਯਾਮਾਂ ਤੋਂ ਜਾਣੂ ਕਰਵਾਇਆ ਗਿਆ।
ਕਾਲਜ ਪ੍ਰਿੰਸੀਪਲ ਡਾ ਕਿਰਨਦੀਪ ਕੌਰ ਨੇ ਵਿਦਿਆਰਥੀਆਂ ਨੂੰ ਆਪਣੇ ਜੀਵਨ ਵਿਚ ਯੋਗ ਅਪਨਾਉਣ ਲਈ ਪ੍ਰੇਰਿਤ ਕੀਤਾ ਅਤੇ ਦੱਸਿਆ ਕਿ ਕਿਵੇਂ ਤੰਦਰੁਸਤ ਸਰੀਰ ਅਤੇ ਮਨ ‘ਤੇ ਕੰਮ ਦੇ ਤਣਾਅ ਨੂੰ ਘਟਾਉਣ ਲਈ ਯੋਗਾ ਅਭਿਆਸ ਨਾਲ ਲਗਾਤਾਰ ਲਾਭ ਹੁੰਦਾ ਹੈ।