ਅਵਾਰਾ ਕੁੱਤਿਆਂ ਦਾ ਵੱਧ ਰਿਹਾ ਆਤੰਕ, ਹੁਣ ਨੌਜਵਾਨ ਨੂੰ ਬਣਾਇਆ ਨਿਸ਼ਾਨਾ

ਜੀਰਕਪੁਰ ’ਚ ਸਟ੍ਰੇ ਡਾਗਸ ਦੀ ਲੋਕਾਂ ’ਚ ਭਾਰੀ ਦਹਿਸ਼ਤ ਹੈ ਜਿਸਦੇ ਚਲਦਿਆਂ ਬੱਚਿਆਂ ਨੂੰ ਘਰਾਂ ਤੋਂ ਬਾਹਰ ਨਿਕਲਣ ਨਹੀ ਦਿੱਤਾ ਜਾਂਦਾ। ਰੋਜ਼ਾਨਾ ਸਟ੍ਰੇ ਡਾਗਸ ਦੀ ਵੱਧ ਰਹੀ ਤਦਾਦ ਜ਼ਿਆਦਾਤਰ ਰਾਹਗੀਰਾਂ ਅਤੇ ਖੇਡ ਰਹੇ ਛੋਟੇ ਬੱਚਿਆਂ ਨੂੰ ਨਿਸ਼ਾਨਾ ਬਣਾਉਂਦੀ ਹੈ। ਕੁੱਝ ਅਜਿਹਾ ਹੀ ਇੱਕ ਮਾਮਲਾ ਸਥਾਨਕ ਗ੍ਰੀਚ ਸਿਟੀ ਨੇੜੇ ਸਮਾਨ ਦੇਣ ਡਿਲੀਵਰੀ ਨੌਜਵਾਨ ਨੂੰ ਸਟ੍ਰੇ ਡਾਗ ਨੇ ਵੱਢ ਲਿਆ। ਇਸ ਸਬੰਧੀ ਡਿਲੀਵਰੀ ਬੁਆਏ ਰਮੇਸ਼ ਨੇ ਦੱਸਿਆ ਕਿ ਉਹ ਗ੍ਰੀਨ ਸਿਟੀ, ਮੇਨ ਰੋਡ ਤੇ ਸਮਾਨ ਡਿਲੀਵਰ ਕਰਨ ਆਇਆ ਸੀ।

ਉੱਥੇ ਸਟ੍ਰੇ ਡਾਗਸ ਦਾ ਇੱਕ ਵੱਡਾ ਝੁੰਡ ਖੜ੍ਹਾ ਸੀ, ਜਿਸ ਤੋਂ ਬਚਣ ਲਈ ਆਪਣੀ ਬਾਈਕ ਭਜਾਉਣ ਲੱਗਿਆ ਤਾਂ ਇੱਕ ਡਾਗ ਨੇ ਉਸਦੇ ਪੈਰ ਨੂੰ ਝਪਟਦਿਆਂ ਵੱਢ ਲਿਆ। ਇੱਥੋਂ ਦੇ ਲੋਕਾਂ ਨੇ ਦੱਸਿਆ ਕਿ ਪਹਿਲਾਂ ਵੀ ਅਜਿਹੇ ਹਾਦਸੇ ਹੋ ਚੁੱਕੇ ਹਨ। ਸ਼ਹਿਰ ਦੇ ਹਰ ਗਲੀ-ਮੁੱਹਲੇ ’ਚ ਸਟ੍ਰੇ ਡਾਗਸ ਦੇ ਝੁੰਡਾਂ ਵੱਲੋਂ ਰਾਹਗੀਰਾਂ ਤੇ ਹਮਲਾ ਕਰਨ ਦਾ ਆਤੰਕ ਫੈਲਿਆ ਹੋਇਆ ਹੈ। ਜਿਸ ਕਾਰਨ ਛੋਟੇ ਬੱਚਿਆਂ ਦਾ ਬਾਹਰ ਨਿਕਲਣਾ ਮੁਸ਼ਕਲ ਹੋ ਗਿਆ ਹੈ। ਲੋਕਾਂ ਨੇ ਜਿਸਦੀ ਸ਼ਿਕਾਇਤ ਜੀਰਕਪੁਰ ਨਗਰ ਕੌਂਸਲ ਅਧਿਕਾਰੀ ਨੂੰ ਦਿੱਤੀ ਸੀ ਪਰ ਸਟ੍ਰੇ ਡਾਗਸ ਤੋਂ ਲੋਕਾਂ ਨੂੰ ਨਿਜ਼ਾਤ ਨਹੀਂ ਮਿਲ ਸਕੀ ਹੈ। ਲੋਕਾਂ ਨੇ ਪ੍ਰਸ਼ਾਸ਼ਨ ਤੋਂ ਮੰਗ ਕੀਤੀ ਹੈ ਕਿ ਸਟ੍ਰੇ ਡਾਗਸ ਨੂੰ ਫੜ੍ਹਨ ਦੀ ਕਾਰਵਾਈ ਕਰਦਿਆਂ ਇਸ ਮੁਸ਼ਕਲ ਦਾ ਹੱਲ ਕੀਤਾ ਜਾਵੇ।

Source: jagbani