ਨਵੇਂ ਸਾਲ ਦੇ ਪਹਿਲੇ ਹੀ ਦਿਨ ਸੋਨੇ-ਚਾਂਦੀ ‘ਚ ਉਛਾਲ, ਜਾਣੋਂ ਕੀ ਹਨ ਕੀਮਤਾਂ

ਨਵੇਂ ਸਾਲ ਦੇ ਪਹਿਲੇ ਦਿਨ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ‘ਚ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਹਾਲਾਂਕਿ, ਇਹ ਕਾਫ਼ੀ ਮੱਧਮ ਹੈ। ਮਲਟੀ ਕਮੋਡਿਟੀ ਐਕਸਚੇਂਜ (ਐੱਮ. ਸੀ. ਐਕਸ.) ਤੇ ਸੋਨਾ ਵਾਇਦਾ 0.09 ਫ਼ੀਸਦੀ ਦੀ ਹਲਕੀ ਤੇਜ਼ੀ ਨਾਲ 50,198 ਰੁਪਏ ਪ੍ਰਤੀ ਦਸ ਗ੍ਰਾਮ ਤੇ ਕਾਰੋਬਾਰ ਕਰ ਰਿਹਾ ਹੈ, ਜਦੋਂ ਕਿ ਚਾਂਦੀ 0.14 ਫ਼ੀਸਦੀ ਦੀ ਬੜ੍ਹਤ ਨਾਲ 68,200 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਆਸਪਾਸ ਹੈ। ਸੋਨੇ ਅਤੇ ਚਾਂਦੀ ਦੋਨਾਂ ਨੇ ਸਾਲ 2020 ‘ਚ ਨਿਵੇਸ਼ਕਾਂ ਨੂੰ ਸ਼ਾਨਦਾਰ ਰਿਟਰਨ ਦਿੱਤਾ ਹੈ। ਦਸੰਬਰ 2020 ਵਿੱਚ ਸਮਾਪਤ ਹੋਏ ਸਾਲ ‘ਚ ਸੋਨਾ 27 ਫ਼ੀਸਦੀ ਅਤੇ ਚਾਂਦੀ ਲਗਭਗ 50 ਫ਼ੀਸਦੀ ਮਜਬੂਤੀ ਹੋਈ।

ਗਲੋਬਲ ਬਾਜ਼ਾਰ ਵਿੱਚ ਸੋਨਾ ਸਾਲ 2020 ‘ਚ 25 ਫ਼ੀਸਦੀ ਦੀ ਬੜ੍ਹਤ ਨਾਲ ਸਮਾਪਤ ਹੋਇਆ ਅਤੇ ਵੀਰਵਾਰ ਦੇ ਕਾਰੋਬਾਰੀ ਸੈਸ਼ਨ ਵਿੱਚ 0.2 ਫ਼ੀਸਦੀ ਦੀ ਮਜਬੂਤੀ ਨਾਲ 1,898.36 ਡਾਲਰ ਪ੍ਰਤੀ ਔਸਤ ਤੇ ਬੰਦ ਹੋਇਆ। ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਸੋਨਾ ਪਿਛਲੇ ਕੁੱਝ ਸਾਲਾਂ ਤੋਂ ਚੜ੍ਹ ਰਿਹਾ ਹੈ ਪਰ 2020 ‘ਚ ਕੋਵਿਡ-19 ਦੀ ਵਜ੍ਹਾ ਨਾਲ ਇਸ ‘ਚ ਵੱਡੀ ਤੇਜ਼ੀ ਦਰਜ ਹੋਈ। ਗਲੋਬਲ ਬਾਜ਼ਾਰ ਵਿਚ ਇਹ ਅਗਸਤ ਵਿਚ 2,080 ਡਾਲਰ ਪ੍ਰਤੀ ਔਂਸ ਦੇ ਉੱਚ ਪੱਧਰ ਤੱਕ ਪਹੁੰਚ ਗਿਆ ਸੀ। ਹਾਲਾਂਕਿ, ਉਸ ਪੱਧਰ ਤੋਂ ਹੁਣ ਲਗਭਗ 15 ਫ਼ੀਸਦੀ ਹੇਠਾਂ ਚੱਲ ਰਿਹਾ ਹੈ। ਕੋਟਕ ਸਕਿਓਰਿਟਜ਼ੀ ‘ਚ ਕਮੋਡਿਟੀ ਰਿਸਰਚ ਦੇ ਉਪ ਮੁਖੀ ਰਵਿੰਦਰ ਰਾਓ ਨੇ ਕਿਹਾ ਕਿ ਸੋਨੇ ਵਿੱਚ ਹਾਲ ‘ਚ ਗਿਰਾਵਟ ਕੋਵਿਡ-19 ਟੀਕੇ ਦੀਆਂ ਉਮੀਦਾਂ ਵਿਚਕਾਰ ਮੁਨਾਫਾਵਸੂਲੀ ਦੀ ਵਜ੍ਹਾ ਨਾਲ ਆਈ ਹੈ। ਉਨ੍ਹਾਂ ਕਿਹਾ ਇਸ ਦੇ ਬਾਵਜੂਦ ਸੋਨੇ ਲਈ ਮਾਹੌਲ ਹੁਣ ਵੀ ਸਕਾਰਾਤਮਕ ਹੈ।

Source: jagbani