ਲੁਧਿਆਣਾ : ਸਰਕਾਰੀ ਕਾਲਜ ਲੜਕੀਆਂ, ਲੁਧਿਆਣਾ ਦੇ ਬੀ.ਏ. ਅਤੇ ਬੀ.ਵਾੱਕ ਵਿਭਾਗ ਵੱਲੋਂ ਭਾਗ ਤੀਜਾ ਦੇ ਵਿਦਿਆਰਥੀਆਂ ਲਈ ਵਿਦਾਇਗੀ ਪਾਰਟੀ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਮੁੱਖ ਮਹਿਮਾਨ ਪ੍ਰਿੰਸੀਪਲ ਸ੍ਰੀਮਤੀ ਸੁਮਨ ਲਤਾ ਸਨ। ਵਾਈਸ ਪ੍ਰਿੰਸੀਪਲ ਸ੍ਰੀਮਤੀ ਗੁਰਜਿੰਦਰ ਬਰਾੜ ਅਤੇ ਸ੍ਰੀਮਤੀ ਅਨੀਤਾ ਮਲਹੋਤਰਾ ਵਿਸ਼ੇਸ਼ ਮਹਿਮਾਨ ਸਨ। ਭਾਗ ਦੂਜਾ ਦੇ ਵਿਦਿਆਰਥੀਆਂ ਨੇ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਲਈ ਸੱਭਿਆਚਾਰਕ ਆਈਟਮਾਂ ਪੇਸ਼ ਕੀਤੀਆਂ।
ਬੀ ਏ ਅਤੇ ਬੀ ਵਾੱਕ ਭਾਗ ਤੀਜਾ ਦੇ ਵਿਦਿਆਰਥੀਆਂ ਲਈ ਮਿਸ ਫੇਅਰਵੈੱਲ ਮੁਕਾਬਲਾ ਕਰਵਾਇਆ ਗਿਆ। ਗੁਰਲੀਨ ਕੌਰ ਨੂੰ ਮਿਸ ਫੇਅਰਵੈਲ ਦਾ ਤਾਜ ਪਹਿਨਾਇਆ ਗਿਆ। ਹਿਆ ਖੋਸਲਾ ਅਤੇ ਮਨਵੀਰ ਕੌਰ ਕ੍ਰਮਵਾਰ ਪਹਿਲੇ ਅਤੇ ਦੂਜੇ ਰਨਰ ਅੱਪ ਚੁਣੇ ਗਏ। ਸੁਖਦੀਪ ਕੌਰ ਨੇ ਮਿਸ ਐਲੀਗੈਂਸ ਦਾ ਖਿਤਾਬ ਜਿੱਤਿਆ। ਮਿਲੀਅਨ ਡਾਲਰ ਸਮਾਈਲ, ਮਿਸ ਡੈਜ਼ਲਿੰਗ ਆਈਜ਼ ਦਾ ਖਿਤਾਬ ਕ੍ਰਮਵਾਰ ਸੁਖਦੀਪ, ਸੁਰਿੰਦਰ, ਕਸ਼ਿਸ਼, ਭਾਵਿਆ ਨੂੰ ਮਿਲਿਆ।