ਲੁਧਿਆਣਾ ਵਿੱਚ ਵੋਟਰ ਸੂਚੀਆਂ ਦੀ ਅੰਤਿਮ ਪ੍ਰਕਾਸ਼ਨਾ ਦਾ ਕੰਮ ਮੁਕੰਮਲ, 1601 ਨਵੇਂ ਵੋਟਰ ਰਜਿਸਟਰਡ

ਲੁਧਿਆਣਾ – ਭਾਰਤੀ ਚੋਣ ਕਮਿਸ਼ਨ ਦੀ ਹਦਾਇਤ ‘ਤੇ ਵੋਟਰ ਸੂਚੀਆਂ ਦੀ ਸੁਧਾਈ ਕਰਨ ਉਪਰੰਤ ਅੰਤਿਮ ਪ੍ਰਕਾਸ਼ਨਾ ਕਰਵਾ ਦਿੱਤੀ ਗਈ ਹੈ। ਸੁਧਾਈ ਦੌਰਾਨ ਵੋਟਰ ਸੂਚੀਆਂ ਵਿੱਚ 1601 ਨਵੇਂ ਵੋਟਰਾਂ ਨੂੰ ਦਰਜ ਕੀਤਾ ਗਿਆ ਹੈ। ਇਹ ਜਾਣਕਾਰੀ ਵਧੀਕ ਡਿਪਟੀ ਕਮਿਸ਼ਨਰ (ਜ)-ਕਮ-ਵਧੀਕ ਜਿਲਾਂ ਚੋਣ ਅਫ਼ਸਰ ਸ੍ਰੀ ਇਕਬਾਲ ਸਿੰਘ ਸੰਧੂ ਨੇ ਆਪਣੇ ਦਫ਼ਤਰ ਵਿਖੇ ਵੱਖ-ਵੱਖ ਰਾਜਸੀ ਪਾਰਟੀਆਂ ਦੇ ਨੁਮਾਇੰਦਿਆਂ ਨਾਲ ਮੀਟਿੰਗ ਦੌਰਾਨ ਦਿੱਤੀ।

ਦੱਸਣਯੋਗ ਹੈ ਕਿ 16 ਦਸੰਬਰ, 2019 ਦੀਆਂ ਵੋਟਰ ਸੂਚੀਆਂ ਅਨੁਸਾਰ ਜਿਲਾਂ ਲੁਧਿਆਣਾ ਵਿੱਚ ਕੁੱਲ 2573332 ਵੋਟਰ ਸਨ, ਜਿਨਾਂ ਵਿੱਚ 1377030 ਮਰਦ, 1196204 ਔਰਤਾਂ ਅਤੇ 98 ਤੀਜਾ ਲਿੰਗ ਵਾਲੇ ਵੋਟਰ ਸਨ। ਸੁਧਾਈ ਉਪਰੰਤ 7 ਫਰਵਰੀ, 2020 ਨੂੰ ਜਾਰੀ ਕੀਤੀਆਂ ਗਈਆਂ ਸੂਚੀਆਂ ਅਨੁਸਾਰ ਕੁੱਲ ਵੋਟਰਾਂ ਦੀ ਗਿਣਤੀ 2574933 ਹੋ ਗਈ ਹੈ, ਜਿਨਾਂ ਵਿੱਚ 1377975 ਮਰਦ, 1196857 ਔਰਤਾਂ ਅਤੇ 101 ਤੀਜੇ ਲਿੰਗ ਵਾਲੇ ਵੋਟਰ ਹਨ। ਜਿਲਾਂ ਲੁਧਿਆਣਾ ਵਿੱਚ ਕੁੱਲ ਪੋਲਿੰਗ ਸਟੇਸ਼ਨ 2747, ਜਦਕਿ ਕੁੱਲ ਪੋਲਿੰਗ ਲੋਕੇਸ਼ਨਾਂ 1380 ਹਨ।

ਮੀਟਿੰਗ ਦੌਰਾਨ ਸ੍ਰ. ਸੰਧੂ ਨੇ ਰਾਜਸੀ ਪਾਰਟੀਆਂ ਦੇ ਨੁਮਾਇੰਦਿਆਂ ਨੂੰ ਹਦਾਇਤ ਕੀਤੀ ਹੈ ਕਿ ਵੋਟਰ ਸੂਚੀਆਂ ਵਿੱਚ ਆਪਣੀ ਵੋਟ ਦਾ ਵੇਰਵਾ ਚੈੱਕ ਕਰ ਲਿਆ ਜਾਵੇ। ਜੇਕਰ ਵੇਰਵੇ ਵਿੱਚ ਕੋਈ ਤਰੁੱਟੀ ਪਾਈ ਜਾਂਦੀ ਹੈ ਤਾਂ ਭਾਰਤੀ ਚੋਣ ਕਮਿਸ਼ਨ ਦੀ ਵੈੱਬਸਾਈਟ www.nvsp.in ‘ਤੇ ਆਨਲਾਈਨ ਅਪਲਾਈ ਕੀਤਾ ਜਾ ਸਕਦਾ ਹੈ। ਉਨਾਂ  ਰਾਜਸੀ ਪਾਰਟੀਆਂ ਦੇ ਨੁਮਾਇੰਦਿਆਂ ਨੂੰ ਹਰੇਕ ਪੋਲਿੰਗ ਸਟੇਸ਼ਨ ‘ਤੇ ਆਪਣੀ ਪਾਰਟੀ ਨਾਲ ਸੰਬੰਧਤ ਬੂਥ ਲੈਵਲ ਏਜੰਟ ਦੀ ਨਿਯੁਕਤੀ ਕਰਨ ਅਤੇ ਸੂਚੀਆਂ ਜ਼ਿਲ•ਾ ਚੋਣ ਦਫ਼ਤਰ ਵਿਖੇ ਭੇਜਣ ਬਾਰੇ ਵੀ ਕਿਹਾ।