ਲੁਧਿਆਣਾ : ਆਰੀਆ ਕਾਲਜ ਗਰਲਜ਼ ਸੈਕਸ਼ਨ ਵਿਖੇ ਬੀ.ਏ. ਅਤੇ ਬੀ.ਕਾਮ. ਤੀਜੇ ਸਾਲ ਦੀਆਂ ਵਿਦਿਆਰਥਣਾਂ ਲਈ ਵਿਦਾਇਗੀ ਪਾਰਟੀ ਦਾ ਆਯੋਜਨ ਕੀਤਾ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਆਰੀਆ ਪਰੰਪਰਾ ਅਨੁਸਾਰ ਦੀਪ ਜਗਾ ਕੇ ਕੀਤੀ ਗਈ। ਇਸ ਸਮਾਗਮ ਦਾ ਮੁੱਖ ਆਕਰਸ਼ਨ ਮਾਡਲਿੰਗ ਸੀ ਜਿਸ ਵਿੱਚ ਵਿਦਿਆਰਥਣਾਂ ਨੇ ਆਪਣੀ ਕਲਾ ਦੇ ਜੌਹਰ ਦਿਖਾਏ ਅਤੇ ਮੁਕਾਬਲੇ ਵਿੱਚ ਸਾਰਿਆਂ ਨੂੰ ਹਰਾ ਕੇ ਮਿਸ ਆਰੀਆ ਦਾ ਤਾਜ ਬੀ.ਕਾਮ ਦੀ ਵਿਦਿਆਰਥਣ ਰਿਧੀ ਨੇ ਜਿੱਤਿਆ।
ਪਹਿਲਾ ਰਨਰ ਅੱਪ ਬੀ.ਏ ਤੀਜਾ ਦੀ ਵਿਦਿਆਰਥਣ ਪੰਖੁੜੀ ਅਤੇ ਦੂਜਾ ਰਨਰਅੱਪ ਬੀ.ਏ ਤੀਜਾ ਦੀ ਵਿਦਿਆਰਥਣ ਦੀਆ ਨੂੰ ਐਲਾਨਿਆ ਗਿਆ। ਇਸ ਦੇ ਨਾਲ ਹੀ ਗੁਰਜੋਤ ਕੌਰ ਨੂੰ ਸਮਾਰਟ ਗਰਲ,ਵਾਣੀ ਸ਼ਰਮਾ ਨੂੰ ਬੈਸਟ ਵਾਕ ਦਾ, ਸ਼ਰੇਆ ਚੌਧਰੀ ਨੂੰ ਮਿਸ ਕਾਨਫੀਡੈਂਟ ਦਾ ਅਤੇ ਨਿਧੀ ਨੂੰ ਬੈਸਟ ਡਰੈੱਸ ਦਾ ਟੈਗ ਦਿੱਤਾ ਗਿਆ। ਇਸ ਮੌਕੇ ਵਿਸ਼ੇਸ਼ ਤੌਰ ‘ਤੇ ਮੌਜੂਦ ਏ.ਸੀ.ਐਮ.ਸੀ. ਦੇ ਸਕੱਤਰ ਡਾ.ਐਸ.ਐਮ.ਸ਼ਰਮਾ ਨੇ ਵਿਦਿਆਰਥਣਾਂ ਨੂੰ ਆਸ਼ੀਰਵਾਦ ਦਿੱਤਾ। ਪਿ੍ੰਸੀਪਲ ਡਾ.ਸੁਖਸ਼ਮ ਆਹਲੂਵਾਲੀਆ ਨੇ ਵਿਦਿਆਰਥਣਾਂ ਨੂੰ ਆਉਣ ਵਾਲੇ ਭਵਿੱਖ ਵਿਚ ਆਪਣੇ ਟੀਚਿਆਂ ਦੀ ਪ੍ਰਾਪਤੀ ਲਈ ਸਖ਼ਤ ਮਿਹਨਤ ਕਰਨ ਲਈ ਕਿਹਾ |