ਲੁਧਿਆਣਾ : ਆਰੀਆ ਕਾਲਜ ਲੁਧਿਆਣਾ ਦੇ ਗਣਿਤ ਵਿਭਾਗ ਵੱਲੋਂ ਪੋਸਟਰ ਪੇਸ਼ਕਾਰੀ ਦਾ ਆਯੋਜਨ ਕੀਤਾ ਗਿਆ । ਜਿਸ ਵਿੱਚ ਬੀ.ਏ. ਅਤੇ ਬੀ.ਐਸ.ਸੀ. ਦੇ 25 ਤੋਂ ਵੱਧ ਵਿਦਿਆਰਥੀਆਂ ਨੇ ਭਾਗ ਲਿਆ। ਪੋਸਟਰ ਪੇਸ਼ਕਾਰੀ ਦਾ ਵਿਸ਼ਾ ਗਣਿਤ ਅਤੇ ਇਸ ਦੇ ਉਪਯੋਗ ਸੀ।
ਵਿਦਿਆਰਥੀਆਂ ਦੁਆਰਾ ਦਿੱਤੀਆਂ ਗਈਆਂ ਪੇਸ਼ਕਾਰੀਆਂ ਤੋਂ ਹਰ ਕੋਈ ਪ੍ਰਭਾਵਿਤ ਹੋਇਆ, ਜਿਸ ਵਿੱਚ ਗਣਿਤ ਦੇ ਰੋਜ਼ਾਨਾ ਜੀਵਨ ਐਪਲੀਕੇਸ਼ਨ ਨੂੰ ਕਵਰ ਕੀਤਾ ਗਿਆ। ਜਿਸ ਵਿੱਚ ਗਣਿਤ ਵਿਚਲੇ ਰੁਬਿਕਸ ਕਿਊਬ, ਪਿਜਨਹੋਲ ਸਿਧਾਂਤ, ਗੋਲਡਨ ਰੇਸ਼ੋ, ਪਾਈ ਆਦਿ ਸ਼ਾਮਲ ਹਨ।
ਸਕੱਤਰ, ਏ.ਸੀ.ਐਮ.ਸੀ. ਸਤੀਸ਼ਾ ਸ਼ਰਮਾ ਨੇ ਵਿਦਿਆਰਥੀਆਂ ਦੀ ਤਾਰੀਫ਼ ਕੀਤੀ ਅਤੇ ਕਿਹਾ, “ਗਣਿਤ ਹਰ ਥਾਂ ਮੌਜੂਦ ਹੈ”। ਪ੍ਰਿੰਸੀਪਲ ਡਾ. ਸੁਕਸ਼ਮ ਆਹਲੂਵਾਲੀਆ ਨੇ ਵਿਦਿਆਰਥੀਆਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਅਤੇ ਉਨ੍ਹਾਂ ਨੂੰ ਇਸ ਤਰ੍ਹਾਂ ਦੀਆਂ ਗਤੀਵਿਧੀਆਂ ਵਿੱਚ ਹਿੱਸਾ ਲੈ ਕੇ ਆਪਣੇ ਗਿਆਨ ਵਿੱਚ ਵਾਧਾ ਕਰਨ ਲਈ ਪ੍ਰੇਰਿਤ ਕੀਤਾ।