ਲੁਧਿਆਣਾ : ਪੰਜਾਬ ‘ਚ ਘਰ ਬਣਾਉਣ ਦੇ ਸੁਪਨੇ ਦੇਖਣ ਵਾਲਿਆਂ ਲਈ ਵੱਡੀ ਰਾਹਤ ਮਿਲੀ ਹੈ। ਸਰੀਆ ਤੋਂ ਬਾਅਦ ਹੁਣ ਸੀਮੈਂਟ ਦੀਆਂ ਕੀਮਤਾਂ ‘ਚ ਭਾਰੀ ਗਿਰਾਵਟ ਆਈ ਹੈ।ਪਹਿਲਾਂ ਸੀਮੈਂਟ ਦੀ ਬੋਰੀ 450 ਰੁਪਏ ਚ ਮਿਲਦੀ ਸੀ, ਹੁਣ ਇਹ 430 ਰੁਪਏ ਚ ਮਿਲ ਰਹੀ ਹੈ। ਇਕ ਬੇਰੀ ਦੀ ਕੀਮਤ ‘ਚ 20 ਰੁਪਏ ਤੋਂ ਜ਼ਿਆਦਾ ਦੀ ਗਿਰਾਵਟ ਆਈ ਹੈ।
ਪਿਛਲੇ ਇਕ ਮਹੀਨੇ ਵਿਚ ਸੀਮੈਂਟ ਦੇ ਰੇਟਾਂ ਵਿਚ ਕਰੀਬ 40 ਤੋਂ 60 ਰੁਪਏ ਪ੍ਰਤੀ ਬੋਰੀ ਦਾ ਵਾਧਾ ਹੋਇਆ ਸੀ ਪਰ ਅੱਜ ਸ਼ੁੱਕਰਵਾਰ ਨੂੰ ਇਹ 20 ਰੁਪਏ ਪ੍ਰਤੀ ਕੱਟਾ ਸੀਮੈਂਟ ਸਸਤਾ ਹੋ ਗਿਆ ਹੈ। ਕਾਰੇਬਰੀਆ ਦਾ ਕਹਿਣਾ ਹੈ ਕਿ ਸਟੀਲ ਦੀਆਂ ਕੀਮਤਾਂ ਚ ਗਿਰਾਵਟ ਤੋਂ ਬਾਅਦ ਸੀਮੈਂਟ ਦੇ ਵੱਖ-ਵੱਖ ਬ੍ਰਾਂਡਾਂ ਦੀਆਂ ਕੀਮਤਾਂ ਚ ਕਮੀ ਆਈ ਹੈ। ਹਾਲਾਂਕਿ ਰੇਟ ਅਜੇ ਵੀ ਬਹੁਤ ਜ਼ਿਆਦਾ ਹਨ, ਪਰ ਡੀਜ਼ਲ ਦੇ ਰੇਟ ਘਟਣ ਤੋਂ ਬਾਅਦ ਮਹਿੰਗਾਈ ਵਿਚ ਫਰਕ ਪੈਣਾ ਸ਼ੁਰੂ ਹੋ ਗਿਆ ਹੈ।
ਇਹ ਜਾਣਿਆ ਜਾਂਦਾ ਹੈ ਕਿ ਹਾਲ ਹੀ ਵਿੱਚ ਅਡਾਨੀ ਸਮੂਹ ਨੇ ਸਵਿਸ ਕੰਪਨੀ ਹੋਲਸਿਮ ਗਰੁੱਪ ਨੂੰ 10.5 ਬਿਲੀਅਨ ਡਾਲਰ ਵਿੱਚ ਖਰੀਦਿਆ ਸੀ। ਅਡਾਨੀ ਸਮੂਹ ਨੇ ਭਾਰਤ ਦੀਆਂ ਦੋ ਸਭ ਤੋਂ ਵੱਡੀਆਂ ਸੀਮੈਂਟ ਕੰਪਨੀਆਂ ਅੰਬੂਜਾ ਸੀਮੈਂਟ ਅਤੇ ਏਸੀਸੀ ਸੀਮੈਂਟ ਵਿੱਚ ਹੋਲਸਿਮ ਗਰੁੱਪ ਦੀ ਪੂਰੀ ਹਿੱਸੇਦਾਰੀ ਨੂੰ 10.5 ਬਿਲੀਅਨ ਡਾਲਰ (80,000 ਕਰੋੜ ਰੁਪਏ) ਵਿੱਚ ਖਰੀਦਣ ਲਈ ਇੱਕ ਕਾਰੋਬਾਰੀ ਸੌਦੇ ਨੂੰ ਅੰਤਿਮ ਰੂਪ ਦਿੱਤਾ ਸੀ। ਉਦੋਂ ਤੋਂ ਕੀਮਤਾਂ ਵਿੱਚ ਗਿਰਾਵਟ ਆ ਰਹੀ ਹੈ।