ਮੁੱਲਾਂਪੁਰ ਦਾਖਾ : ਪੰਜਾਬ ਤੋਂ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ। ਦਰਅਸਲ, ਮੁੱਲਾਂਪੁਰ ਦਾਖਾ ਵਿਖੇ 20-25 ਵਿਅਕਤੀਆਂ ਵੱਲੋਂ ਸਵਾਰੀਆਂ ਨੂੰ ਉਤਾਰ ਕੇ ਬੱਸ ਦੇ ਡਰਾਈਵਰ ਅਤੇ ਕੰਡਕਟਰ ਨੂੰ ਅਗਵਾ ਕਰ ਲਿਆ ਗਿਆ। ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਬੱਸ ਨੂੰ ਥਾਣੇ ਦੇ ਸਾਹਮਣੇ ਹੀ ਛੱਡ ਦਿੱਤਾ ਅਤੇ ਕੰਡਕਟਰ ਅਤੇ ਡਰਾਈਵਰ ਨੂੰ ਅਗਵਾ ਕਰ ਲਿਆ, ਜਿਸ ਕਾਰਨ ਸਵਾਰੀਆਂ ਕਾਫੀ ਡਰ ਗਈਆਂ।
ਜਾਣਕਾਰੀ ਅਨੁਸਾਰ ਐਚਐਮਟੀ ਕੰਪਨੀ ਦੀ ਪ੍ਰਾਈਵੇਟ ਬੱਸ ਜੋ ਬਠਿੰਡਾ ਤੋਂ ਸਵੇਰੇ 7.33 ਵਜੇ ਜਲੰਧਰ ਲਈ ਰਵਾਨਾ ਹੋਈ ਸੀ।ਜਦੋਂ ਇਹ ਕਰੀਬ 10.45 ਵਜੇ ਮੁੱਲਾਂਪੁਰ ਮੇਨ ਚੌਕ ਕੋਲ ਪੁੱਜੀ ਤਾਂ ਉਥੇ ਖੜ੍ਹੇ ਕਰੀਬ 20-25 ਨੌਜਵਾਨਾਂ ਨੇ ਬੱਸ ਦੇ ਹੈਲਪਰ ਪ੍ਰਦੀਪ ਸਿੰਘ ਪੁੱਤਰ ਗੁਰਮੀਤ ਸਿੰਘ ਵਾਸੀ ਪਿੰਡ ਸੰਘੇੜਾ ਦੀ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਸਵਾਰੀਆਂ ਨੂੰ ਹੇਠਾਂ ਉਤਾਰ ਕੇ ਕੰਡਕਟਰ ਵਰਿਆਸ ਸਿੰਘ ਦੀ ਕੁੱਟਮਾਰ ਕਰਕੇ ਡਰਾਈਵਰ ਸਮੇਤ ਬੱਸ ਨੂੰ ਅਗਵਾ ਕਰਕੇ ਥਾਣਾ ਦਾਖਾ ਦੇ ਸਾਹਮਣੇ 100 ਮੀਟਰ ਦੀ ਦੂਰੀ ‘ਤੇ ਬੱਸ ਖੜ੍ਹੀ ਕਰ ਕੇ ਕੰਡਕਟਰ ਅਤੇ ਡਰਾਈਵਰ ਨੂੰ ਅਗਵਾ ਕਰ ਲਿਆ ਅਤੇ ਫਰਾਰ ਹੋ ਗਏ।
ਦੂਜੇ ਪਾਸੇ ਬੱਸ ਦੇ ਹੈਲਪਰ ਪ੍ਰਦੀਪ ਸਿੰਘ ਅਤੇ ਥਾਣਾ ਸਦਰ ਦੇ ਇੰਚਾਰਜ ਦਿਲਜਾਨ ਸਿੰਘ ਨੇ ਇਸ ਸਬੰਧੀ ਪੁਲੀਸ ਨੂੰ ਸੂਚਿਤ ਕਰ ਦਿੱਤਾ ਹੈ। ਪੁਲਿਸ ਵਿਭਾਗ ਨੇ ਆਪਣੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
