Connect with us

ਦੁਰਘਟਨਾਵਾਂ

ਤੇਜ਼ਾਬ ਦੀਆਂ ਭਰੀਆਂ ਕੈਨੀਆਂ ਸੜਕ ‘ਤੇ ਰੂੜੀਆਂ, ਪਈਆਂ ਭਾਜੜਾ

Published

on

Acid-filled canisters littered the road

ਲੁਧਿਆਣਾ : ਲੁਧਿਆਣਾ ‘ਚ ਜਗਰਾਓਂ ਪੁਲ ‘ਤੇ ਉਸ ਵੇਲੇ ਭਾਜੜਾਂ ਪੈ ਗਈਆਂ, ਜਦੋਂ ਤੇਜ਼ਾਬ ਦੀਆਂ ਭਰੀਆਂ ਕੈਨੀਆਂ ਸੜਕ ‘ਤੇ ਰੁੜ੍ਹ ਗਈਆਂ, ਜਿਸ ਕਾਰਨ ਸਾਰੀ ਸੜਕ ‘ਤੇ ਤੇਜ਼ਾਬ ਫੈਲ ਗਿਆ। ਜਾਣਕਾਰੀ ਮੁਤਾਬਕ ਇਹ ਘਟਨਾ ਆਟੋ ਦੇ ਪਿੱਛੇ ਡਾਲਾ ਖੁੱਲ੍ਹਣ ਕਾਰਨ ਵਾਪਰੀ ਦੱਸੀ ਜਾ ਰਹੀ ਹੈ। ਆਟੋ ਚਾਲਕ ਪਰਦੀਪ ਮੁਤਾਬਕ ਆਟੋ ਪੈਂਚਰ ਹੋਣ ‘ਤੇ ਉਹ ਠੀਕ ਕਰਵਾ ਰਿਹਾ ਸੀ ਤਾਂ ਬੱਸ ਨੇ ਪਿੱਛਿਓਂ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਤੇਜ਼ਾਬ ਦੀਆਂ ਕੈਨੀਆਂ ਫੱਟ ਗਈਆਂ ਅਤੇ ਤੇਜ਼ਾਬ ਸੜਕ ‘ਤੇ ਫੈਲ ਗਿਆ।

ਸੜਕ ‘ਤੇ ਤੇਜ਼ਾਬ ਫੈਲਦੇ ਹੀ ਬਦਬੂ ਫੈਲ ਗਈ। ਸੂਚਨਾ ਮਿਲਦੇ ਹੀ ਪੁਲਸ ਮੌਕੇ ‘ਤੇ ਪਹੁੰਚੀ ਅਤੇ ਕੈਨੀਆਂ ਨੂੰ ਉੱਥੋਂ ਹਟਾਇਆ। ਇਸ ਤੋਂ ਤਰੁੰਤ ਬਾਅਦ ਫਾਇਰ ਬ੍ਰਿਗੇਡ ਨੂੰ ਬੁਲਾਇਆ ਗਿਆ। ਫਾਇਰ ਮੁਲਾਜ਼ਮਾਂ ਵੱਲੋਂ ਪਾਣੀਆਂ ਦੀਆਂ ਵਾਛੜਾਂ ਨਾਲ ਤੇਜ਼ਾਬ ਨੂੰ ਸੜਕ ਤੋਂ ਹਟਾ ਕੇ ਟ੍ਰੈਫਿਕ ਖੁੱਲ੍ਹਵਾਇਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਘਟਨਾ ਦੌਰਾਨ ਆਟੋ ਚਾਲਕ ਉੱਥੋ ਫ਼ਰਾਰ ਹੋ ਗਿਆ ਸੀ, ਜਿਸ ਨੂੰ ਪੁਲਸ ਨੇ ਕਾਬੂ ਕਰ ਲਿਆ ਹੈ। ਇਸ ਮਾਮਲੇ ਦੀ ਜਾਂਚ ਥਾਣਾ ਡਵੀਜ਼ਨ ਨੰਬਰ-2 ਦੀ ਪੁਲਸ ਕਰ ਰਹੀ ਹੈ।

Facebook Comments

Trending