ਪੰਜਾਬੀ
ਪੰਜਾਬ ਐਂਡ ਸਿੰਧ ਬੈਂਕ ਦੇ ਉੱਚ ਪੱਧਰੀ ਵਫ਼ਦ ਨੇ ਪੀ.ਏ.ਯੂ. ਦਾ ਕੀਤਾ ਦੌਰਾ
ਲੁਧਿਆਣਾ : ਪੰਜਾਬ ਦੇ ਖੇਤੀ ਸੈਕਟਰ ਨੂੰ ਹੁਲਾਰਾ ਦੇਣ, ਕਿਸਾਨਾਂ ਦੀ ਖੇਤੀ ਆਮਦਨ ਨੂੰ ਵਧਾਉਣ, ਪੰਜਾਬ ਦੀ ਖੁਸ਼ਹਾਲੀ ਨੂੰ ਬਰਕਰਾਰ ਰੱਖਣ ਬਾਰੇ ਵਿਚਾਰ ਵਟਾਂਦਰਾ ਕਰਨ ਲਈ ਪੰਜਾਬ ਐਂਡ ਸਿੰਧ ਬੈਂਕ ਦੇ ਉੱਚ ਪੱਧਰੀ ਵਫ਼ਦ ਨੇ PAU ਦੌਰਾ ਕੀਤਾ | ਸ਼੍ਰੀ ਸਵਰੂਪ ਕੁਮਾਰ ਸਾਹਾ, ਪ੍ਰਬੰਧਕੀ ਨਿਰਦੇਸ਼ਕ ਦੀ ਅਗਵਾਈ ਵਾਲੇ ਇਸ ਵਫ਼ਦ ਵਿੱਚ ਸ੍ਰੀ ਰਵੀ ਮਹਿਰਾ (ਜੀ ਐੱਮ) ਸ੍ਰੀ ਚਮਨ ਲਾਲ (ਐੱਫ ਜੀ ਐੱਮ) ਅਤੇ ਸ. ਸਤਬੀਰ ਸਿੰਘ (ਜ਼ੋਨਲ ਮੈਨੇਜਰ) ਲੁਧਿਆਣਾ ਸ਼ਾਮਲ ਸਨ |
ਇਸ ਮੌਕੇ ਡਾ. ਸਤਿਬੀਰ ਸਿੰਘ ਗੋਸਲ ਵਾਈਸ ਚਾਂਸਲਰ, ਪੀ.ਏ.ਯੂ. ਨੇ ਕਿਹਾ ਕਿ ਸਾਨੂੰ ਵੱਧ ਤੋਂ ਵੱਧ ਐਗਰੋ ਪ੍ਰੋਸੈਸਿੰਗ ਯੂਨਿਟ ਅਤੇ ਹੁਨਰ ਵਿਕਾਸ ਕੇਂਦਰ ਸਥਾਪਿਤ ਕਰਨ ਦੀ ਲੋੜ ਹੈ ਤਾਂ ਜੋ ਅਸੀਂ ਨੌਜਵਾਨਾਂ ਨੂੰ ਹੁਨਰਮੰਦ ਬਣਾ ਕੇ ਖੇਤੀ ਉਤਪਾਦਾਂ ਦੀ ਪ੍ਰੋਸੈਸਿੰਗ ਨੂੰ ਉਤਸ਼ਾਹਿਤ ਕਰ ਸਕੀਏ | ਐਗਰੀ ਬਿਜ਼ਨੈੱਸ ਤੇ ਜ਼ੋਰ ਦਿੰਦਿਆਂ ਉਨ੍ਹਾਂ ਮੁੱਲ ਵਾਧੇ ਅਤੇ ਉਚਿਤ ਮੰਡੀਕਰਨ ਦੀਆਂ ਨਵੀਆਂ ਤਕਨੀਕਾਂ ਅਪਨਾਉਣ ਲਈ ਕਿਹਾ |
ਸੂਰਜੀ ਊਰਜਾ, ਜੈਵਿਕ ਊਰਜਾ, ਜੈਵਿਕ ਖੇਤੀ ਆਦਿ ਖੇਤਰਾਂ ਵਿਚ ਪੀ.ਏ.ਯੂ. ਵਲੋਂ ਕੀਤੇ ਜਾ ਰਹੇੇ ਖੋਜ ਕਾਰਜਾਂ ਬਾਰੇ ਜਾਣਕਾਰੀ ਦਿੰਦਿਆਂ ਉਨ੍ਹਾਂ ਖੇਤੀ ਵਿਚ ਡਰੋਨਜ਼ ਅਤੇ ਏ ਆਈ ਵਰਗੀਆਂ ਅਤਿ ਆਧੁਨਿਕ ਤਕਨੀਕਾਂ ਅਪਨਾਉਣ ਲਈ ਕਿਹਾ|
ਇਸ ਮੌਕੇ ਡਾ. ਮਾਨਵਇੰਦਰ ਸਿੰਘ ਗਿੱਲ ਰਜਿਸਟਰਾਰ, ਪੀ.ਏ.ਯੂ. ਨੇ ਦੌਰਾ ਕਰ ਰਹੇ ਵਫਦ ਨੂੰ ਯੂਨੀਵਰਸਿਟੀ ਦੀਆਂ ਅਕਾਦਮਿਕ ਗਤੀਵਿਧੀਆਂ ਬਾਰੇ ਚਾਣਨਾ ਪਾਇਆ | ਡਾ. ਅਜਮੇਰ ਸਿੰਘ ਢੱਟ,ਨਿਰਦੇਸ਼ਕ ਖੋਜ ਨੇ ਯੂਨੀਵਰਸਿਟੀ ਦੀਆਂ ਖੋਜ ਪ੍ਰਾਪਤੀਆਂ ਬਾਰੇ ਜਾਣਕਾਰੀ ਦਿੰਦਿਆਂ ਵਿਕਸਿਤ ਕੀਤੀਆਂ ਉਤਪਾਦਨ ਅਤੇ ਸੁਰੱਖਿਆ ਤਕਨੀਕਾਂ, ਕਟਾਈ ਉਪਰੰਤ ਤਕਨੀਕਾਂ, ਕੁਦਰਤੀ ਸਰੋਤਾਂ ਦੀ ਸਾਂਭ-ਸੰਭਾਲ, ਫਸਲਾਂ ਦੀ ਰਹਿੰਦ-ਖੂੰਹਦ ਦਾ ਪ੍ਰਬੰਧਣ, ਖੇਤੀ ਨੂੰ ਦਰਪੇਸ਼ ਚੁਣੌਤੀਆਂ ਅਤੇ ਉਨ੍ਹਾਂ ਨੂੰ ਨਜਿੱਠਣ ਆਦਿ ਬਾਰੇ ਚਾਣਨਾ ਪਾਇਆ|
ਪੀ.ਏ.ਯੂ ਵਿਗਿਆਨੀਆਂ ਅਤੇ ਪੰਜਾਬ ਦੇ ਕਿਸਾਨਾਂ ਦੀ ਅਣਥੱਕ ਮਿਹਨਤ ਸਦਕਾ ਹਰੀ ਕ੍ਰਾਂਤੀ ਲਿਆ ਕੇ ਦੇਸ਼ ਦੇ ਅੰਨ ਭੰਡਾਰ ਨੂੰ ਭਰਪੂਰ ਕਰਨ ਵਿਚ ਪਾਏ ਯੋਗਦਾਨ ਦੀ ਸ਼ਲਾਘਾ ਕਰਦਿਆਂ ਸ੍ਰੀ ਸਵਰੂਪ ਕੁਮਾਰ ਸਾਹਾ ਨੇ ਦੱਸਿਆਂ ਕਿ ਸਾਲ 1908 ਵਿਚ ਹੋਂਦ ਵਿੱਚ ਆਇਆ ਪੰਜਾਬ ਐਂਡ ਸਿੰਧ ਬੈਂਕ ਪੰਜਾਬ ਦੇ ਲੋਕਾਂ ਦੀ ਖੁਸ਼ਹਾਲੀ ਪ੍ਰਤੀ ਵਚਨਬੱਧ ਹੈ| ਉਨ੍ਹਾਂ ਦੱਸਿਆ ਕਿ ਖੇਤੀ ਵੰਨ-ਸੁਵੰਨਤਾ ਨੂੰ ਉਤਸ਼ਾਹਿਤ ਕਰਨ ਲਈ ਬੈਂਕ ਵਲੋਂ ਭੋਜਨ ਅਤੇ ਖੇਤੀ ਪ੍ਰੋਸੈਸਿੰਗ ਸਕੀਮ, ਕਿਸਾਨ ਉਤਪਾਦਨ ਸੰਗਠਨ ਅਤੇ ਹੋਰ ਅਨੇਕਾਂ ਉਪਰਾਲੇ ਕੀਤੇ ਜਾ ਰਹੇ ਹਨ, ਜਿਨ੍ਹਾਂ ਨੂੰ ਪੀ.ਏ.ਯੂ. ਦੇ ਸਹਿਯੋਗ ਨਾਲ ਹੋਰ ਵੀ ਹੁਲਾਰਾ ਦਿੱਤਾ ਜਾ ਸਕਦਾ ਹੈ |
ਇਸ ਮੌਕੇ ਸਾਰੀਆਂ ਸਹੂਲਤਾਂ ਨਾਲ ਲੈਸ ਨਮੂਨੇ ਦਾ ਪਿੰਡ ਸਥਾਪਿਤ ਕਰਨ, ਖੋਜ ਕਾਰਜਾਂ ਨੂੰ ਉਤਸ਼ਾਹਿਤ ਕਰਨ ਲਈ ਵਜ਼ੀਫ਼ੇ ਸ਼ੁਰੂ ਕਰਨ, ਸੁਆਇਲ ਮੈਪਿੰਗ ਕਰਨ ਆਦਿ ਵਿਸ਼ਿਆਂ ਤੇ ਵੀ ਵਿਚਾਰ-ਵਟਾਂਦਰੇ ਹੋਏ | ਡਾ. ਵਿਸ਼ਾਲ ਬੈਕਟਰ ਨੇ ਵਿਚਾਰ-ਵਟਾਂਦਰੇ ਵਿੱਚ ਸ਼ਿਰਕਤ ਕਰ ਰਹੇ ਪੀ.ਏ.ਯੂ. ਅਧਿਕਾਰੀਆਂ ਅਤੇ ਵਫ਼ਦ ਮੈਂਬਰਾਂ ਦਾ ਧੰਨਵਾਦ ਕੀਤਾ |
Facebook Comments
-
ਵਿਸ਼ਵ ਖ਼ਬਰਾਂ11 hours agoBrazil Flood: ਬ੍ਰਾਜ਼ੀਲ ‘ਚ ਹੜ੍ਹ ਕਾਰਨ 10 ਲੋਕਾਂ ਦੀ ਮੌ/ਤ, ਘਰਾਂ ‘ਚ ਵੜਿਆ ਪਾਣੀ, ਛੱਤਾਂ ‘ਤੇ ਫਸੇ ਲੋਕ : ਵੀਡੀਓ
-
ਅਪਰਾਧ15 hours agoਪੁਲਿਸ ਨੂੰ ਮਿਲੀ ਵੱਡੀ ਕਾਮਯਾਬੀ, ਅ.ਫੀਮ ਤੇ ਭੁ/ਕੀ ਸਮੇਤ 2 ਅੰਤਰਰਾਜੀ ਨ.ਸ਼ਾ ਤ/ਸਕਰ ਕਾਬੂ
-
ਪੰਜਾਬ ਨਿਊਜ਼15 hours agoਰੇਲ ਯਾਤਰੀਆਂ ਨੂੰ ਨਹੀਂ ਮਿਲੀ ਰਾਹਤ, ਅੱਜ ਵੀ ਰੱਦ ਰਹਿਣਗੀਆਂ ਕਈ ਵੱਡੀਆਂ ਟਰੇਨਾਂ
-
ਪੰਜਾਬ ਨਿਊਜ਼15 hours agoਛੁੱਟੀ ਲੈਣ ਦਾ ਬਹਾਨਾ ਬਣਾਉਣ ਵਾਲੇ ਮੁਲਾਜ਼ਮਾਂ ਨੂੰ ਹੋ ਜਾਵੇ ਸੁਚੇਤ, ਜਾਰੀ ਕੀਤੇ ਸਖ਼ਤ ਹੁਕਮ
-
ਪੰਜਾਬ ਨਿਊਜ਼14 hours agoਹਜ਼ਾਰਾਂ ਅਧਿਆਪਕ ਚੋਣ ਡਿਊਟੀ ‘ਚ ਰੁੱਝੇ, ਵਿਦਿਆਰਥੀ ਹੋਏ ਪ੍ਰੇਸ਼ਾਨ
-
ਪੰਜਾਬ ਨਿਊਜ਼14 hours agoGST ਵਿਭਾਗ ‘ਚ ਤਾਇਨਾਤ ਮਹਿਲਾ ਦੀ ਕਾਰਗੁਜ਼ਾਰੀ ਨੂੰ ਲੈ ਕੇ ਹੋਇਆ ਹੰਗਾਮਾ, ਮੁੱਖ ਮੰਤਰੀ ਤੱਕ ਪਹੁੰਚੀ ਸ਼ਿਕਾਇਤ
-
ਪੰਜਾਬ ਨਿਊਜ਼13 hours agoਦੁਪਹਿਰ 12 ਵਜੇ ਤੋਂ 3 ਵਜੇ ਤੱਕ ਪੰਜਾਬ ਦੇ ਲੋਕਾਂ ਲਈ ਐਡਵਾਈਜ਼ਰੀ ਜਾਰੀ, ਰਹੋ ਸਾਵਧਾਨ
-
ਇੰਡੀਆ ਨਿਊਜ਼10 hours agoਦਿੱਲੀ ਦੇ ਕਨਾਟ ਪਲੇਸ ‘ਚੋਂ ਮਿਲਿਆ ਲਾਵਾਰਸ ਬੈਗ, ਮੌਕੇ ‘ਤੇ ਪਹੁੰਚਿਆ ਬੰਬ ਨਿਰੋਧਕ ਦਸਤਾ