ਪੰਜਾਬੀ
ਨਵੇਂ ਵਿਦਿਆਰਥੀਆਂ ਦੇ ਸਵਾਗਤ ਲਈ ਕਰਵਾਇਆ ਸੱਭਿਆਚਾਰਕ ਸਮਾਗਮ
ਲੁਧਿਆਣਾ : ਖਾਲਸਾ ਇੰਸਟੀਚਿਊਟ ਆਫ ਮੈਨੇਜਮੈਂਟ ਐਂਡ ਟੈਕਨਾਲੋਜੀ ਫਾਰ ਵੂਮੈਨ, ਸਿਵਲ ਲਾਈਨਜ਼, ਲੁਧਿਆਣਾ ਨੇ ਨਵੇਂ ਵਿਦਿਆਰਥੀਆਂ ਦੇ ਸਵਾਗਤ ਲਈ ਇੱਕ ਸੱਭਿਆਚਾਰਕ ਸਮਾਗਮ “ਆਗਾਜ਼ -ਐਨ- ਆਗਮਨ 2022” ਦਾ ਆਯੋਜਨ ਕੀਤਾ। ਡਾਇਰੈਕਟਰ ਡਾ ਹਰਪ੍ਰੀਤ ਕੌਰ, ਫੈਕਲਟੀ ਮੈਂਬਰਾਂ, ਸੀਨੀਅਰ ਵਿਦਿਆਰਥੀਆਂ ਅਤੇ ਇੰਸਟੀਚਿਊਟ ਦੀ ਮੈਨੇਜਮੈਂਟ ਨੇ ਨਵੇਂ ਆਉਣ ਵਾਲਿਆਂ ਦਾ ਸਵਾਗਤ ਕੀਤਾ।
ਮੁੱਖ ਮਹਿਮਾਨ ਮਿਸ ਡਿੰਪਲ ਵਰਮਾ ਵਿਸੀਜਰੋਬੋ ਪ੍ਰਾਈਵੇਟ ਲਿਮਟਿਡ ਲੁਧਿਆਣਾ ਨੇ ਰਵਾਇਤੀ ਦੀਵਾ ਜਗਾ ਕੇ ਸਮਾਗਮ ਦੀ ਸ਼ੁਰੂਆਤ ਕੀਤੀ, ਜਿਸ ਤੋਂ ਬਾਅਦ ਸ਼ਬਦ ਗਾਇਨ ਕੀਤਾ ਗਿਆ। ਇਸ ਮੌਕੇ ਸਟੇਜ ਮੁਕਾਬਲੇ ਜਿਵੇਂ ਸੋਲੋ ਸੌਂਗ, ਸੋਲੋ ਡਾਂਸ, ਡਿਊਟ ਡਾਂਸ ਅਤੇ ਗਰੁੱਪ ਡਾਂਸ ਦਾ ਆਯੋਜਨ ਕੀਤਾ ਗਿਆ। ਪਹਿਲੇ ਸਾਲ ਦੇ ਵਿਦਿਆਰਥੀਆਂ ਨੇ ਵੱਖ-ਵੱਖ ਖਿਤਾਬ ਪ੍ਰਾਪਤ ਕਰਨ ਲਈ ਰੈਂਪ ਵਾਕ ਵਿੱਚ ਪੂਰੇ ਦਿਲ ਨਾਲ ਭਾਗ ਲਿਆ।
ਇਸ ਮੌਕੇ ਕਰਵਾਏ ਮੁਕਾਬਲਿਆਂ ‘ਚ ਸੋਲੋ ਸੌਂਗ ਵਿਚ ਪਹਿਲਾ:ਸਥਾਨ ਬੀਸੀਏ ਦੀ ਪ੍ਰੀਤੀ ਵਰਮਾ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਸੋਲੋ ਡਾਂਸ ‘ਚ ਪਹਿਲਾ ਸਥਾਨ ਬੀ.ਸੀ.ਏ. ਤੋਂ ਮੰਨਤ ਨੇ ਹਾਸਲ ਕੀਤਾ। ਡਿਊਟ ਡਾਂਸ ‘ਚ ਪਹਿਲਾ ਬੀ.ਸੀ.ਏ. ਤੋਂ ਅਰੁਣਾ ਅਤੇ ਗਰੁੱਪ ਡਾਂਸ ‘ਚ ਪਹਿਲਾ ਸਥਾਨ ਐਮਬੀਏ ਵਿੱਚੋਂ ਅਦਬ ਮੁਤਿਆਰਾ ਨੇ ਹਾਸਲ ਕੀਤਾ। ਮਿਸ ਫਰੈਸ਼ਰ: ਅਰਸ਼ਿਤਾ, ਫਸਟ ਰਨਰ-ਅੱਪ: ਪੂਰਨਿਮਾ ਅਤੇ ਸੈਕਿੰਡ ਰਨਰ-ਅੱਪ: ਕੋਨਿਕਾ ਕੋਹਲੀ ਚੁਣੇ ਗਏ।
