ਅਪਰਾਧ
ਦਿੱਲੀ ਹਵਾਈ ਅੱਡੇ ਤੋਂ 89 ਸਾਲਾ ਵਿਅਕਤੀ ਦੇ ਭੇਸ ਵਿੱਚ ਮੋਗੇ ਦਾ ਵਿਅਕਤੀ ਗ੍ਰਿਫਤਾਰ
Published
3 years agoon

ਦਿੱਲੀ ਹਵਾਈ ਅੱਡੇ ਤੇ ਹਾਂਗਕਾਂਗ ਤੋਂ ਆ ਰਹੇ ਇਕ 68 ਸਾਲਾ ਵਿਅਕਤੀ ਨੂੰ ਜਾਅਲਸਾਜ਼ੀ ਕਰ ਕੇ 89 ਸਾਲਾ ਵਿਅਕਤੀ ਦਾ ਭੇਸ ਅਪਣਾਉਣ ਅਤੇ ਫਰਜ਼ੀ ਪਾਸਪੋਰਟ ਰੱਖਣ ਦੇ ਲਈ ਗ੍ਰਿਫਤਾਰ ਕੀਤਾ ਗਿਆ ਹੈ। ਅਧਿਕਾਰੀਆਂ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਗੁਰਦੀਪ ਸਿੰਘ, ਜੋ ਪੰਜਾਬ ਦੇ ਮੋਗੇ ਦਾ ਰਹਿਣ ਵਾਲਾ ਹੈ, ਨੇ ਹਾਂਗਕਾਂਗ ਵਿਚ ਸਥਾਈ ਨਿਵਾਸੀ ਆਈ. ਡੀ. ਹਾਸਲ ਕਰਨ ਲਈ ਪਾਸਪੋਰਟ ਅਤੇ ਫਰਜ਼ੀ ਨਾਂ-ਕਰਨੈਲ ਸਿੰਘ ਦੀ ਵਰਤੋਂ ਕੀਤੀ। ਇਸ ਤੋਂ ਪਹਿਲਾਂ ਹਵਾਈ ਅੱਡੇ ਤੋਂ 32 ਸਾਲ ਦੇ ਇਕ ਨੌਜਵਾਨ ਨੂੰ 81 ਸਾਲ ਦੇ ਵਿਅਕਤੀ ਦਾ ਰੂਪ ਧਾਰਨ ਕਰਨ ਲਈ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸ ਨੇ ਆਪਣੇ ਵਾਲ ਅਤੇ ਦਾੜ੍ਹੀ ਨੂੰ ਸਫੈਦ ਰੰਗ ਨਾਲ ਰੰਗ ਲਿਆ ਸੀ ਅਤੇ ਨਿਊਯਾਰਕ ਦੀ ਉਡਾਣ ਭਰਨ ਲਈ ਵ੍ਹੀਲਚੇਅਰ ‘ਤੇ ਐਤਵਾਰ ਨੂੰ ਹਵਾਈ ਅੱਡੇ ਆਇਆ ਸੀ। ਅਧਿਕਾਰੀ ਨੇ ਪੁਲਸ ਨੂੰ ਦੱਸਿਆ ਕਿ ਗੁਰਦੀਪ ਸਿੰਘ ਉਡਾਣ ਨੰਬਰ ਐੱਸ. ਜੀ. 32 ਰਾਹੀਂ ਇੰਦਰਾ ਗਾਂਧੀ ਕੌਮਾਂਤਰੀ ਹਵਾਈ ਅੱਡੇ ‘ਤੇ ਆਇਆ। ਉਸ ਨੇ ਕਰਨੈਲ ਸਿੰਘ ਨਾਂ ਦਾ ਪਾਸਪੋਰਟ ਦਿੱਤਾ। ਜਾਂਚ ਅਧਿਕਾਰੀ ਨੇ ਵੇਖਿਆ ਕਿ ਪਾਸਪੋਰਟ ‘ਤੇ ਜਨਮ ਮਿਤੀ 20 ਅਕਤੂਬਰ 1930 ਹੈ, ਜਦਕਿ ਉਹ ਵਿਅਕਤੀ ਇਸ ਤੋਂ ਘੱਟ ਉਮਰ ਦਾ ਲੱਗ ਰਿਹਾ ਸੀ। ਉਨ੍ਹਾਂ ਦੱਸਿਆ ਕਿ ਵਿਸਥਾਰਪੂਰਵਕ ਜਾਂਚ ਤੋਂ ਬਾਅਦ ਉਸ ਵਿਅਕਤੀ ਦੀ ਅਸਲੀ ਪਛਾਣ ਗੁਰਦੀਪ ਸਿੰਘ ਦੇ ਰੂਪ ਵਿਚ ਸਾਹਮਣੇ ਆਈ ਅਤੇ ਉਸ ਦੀ ਅਸਲੀ ਜਨਮ ਮਿਤੀ 16 ਮਾਰਚ 1951 ਨਿਕਲੀ। ਪੁਲਸ ਕਮਿਸ਼ਨਰ (ਹਵਾਈ ਅੱਡਾ) ਸੰਜੇ ਭਾਟੀਆ ਨੇ ਦੱਸਿਆ ਕਿ ਭਾਰਤੀ ਇਮੀਗ੍ਰੇਸ਼ਨ ਵਿਭਾਗ ਨੂੰ ਧੋਖਾ ਦੇਣ ਅਤੇ ਫਰਜ਼ੀ ਪਾਸਪੋਰਟ ‘ਤੇ ਯਾਤਰਾ ਕਰਨ ਲਈ ਉਸ ਦੇ ਵਿਰੁੱਧ ਮੁਕੱਦਮਾ ਦਰਜ ਕਰਾਇਆ ਗਿਆ ਹੈ।
You may like
-
ਦਿੱਲੀ ਹਵਾਈ ਅੱਡੇ ਤੱਕ ‘ਪੰਜਾਬ ਰਾਜ ਬੱਸ ਸੇਵਾ’ ਮੁੜ ਚਲਾਉਣ ਲਈ ਰਾਜਾ ਵੜਿੰਗ ਨੇ ਕੇਜਰੀਵਾਲ ਨੂੰ ਲਿਖੀ ਚਿੱਠੀ
-
101 ਸਾਲ ਦੇ ਬੁਜ਼ੁਰਗ ਨੇ ਕਿਹਾ ਮੈਨੂੰ ਮਦਦ ਨਹੀਂ ਚਾਹੀਦੀ, ਮੁੱਖ ਮੰਤਰੀ ਨੇ ਕੀਤੀ ਤਾਰੀਫ਼ 5 ਲੱਖ ਰੁਪਏ ਦਾ ਭੇਜਿਆ ਚੈੱਕ
-
ਲੱਖਾ ਬਾਬਾ ਦੀ ਜੇਲ੍ਹ ‘ਚ ਹੱਤਿਆ ਦੇ ਮਾਮਲੇ ‘ਚ ਚਾਰ ਗਿ੍ਫ਼ਤਾਰ, ਮੁਲਜ਼ਮਾਂ ਖ਼ਿਲਾਫ਼ ਪਹਿਲਾਂ ਵੀ ਕਈ ਮਾਮਲੇ ਹਨ ਦਰਜ
-
ਦਿੱਲੀ ਹਵਾਈ ਅੱਡੇ ‘ਤੇ ਕਸਟਮ ਨੂੰ ਮਿਲੀ ਵੱਡੀ ਸਫਲਤਾ ਕਰੋੜਾਂ ਦੇ IPHONES ਅਤੇ ਲੈਪਟਾਪ ਕੀਤੇ ਜ਼ਬਤ
-
ਮੋਗਾ ਵਿੱਚ ਮਰੀਜ਼ ਨੂੰ ਆਕਸੀਜਨ ਲਗਾਉਂਦੇ ਸਮੇਂ ਫਟਿਆ ਸਿਲੰਡਰ,1 ਨੇ ਤੋੜਿਆ ਦਮ
-
ਗੁਰੂ ਕਾਸ਼ੀ ਯੂਨੀਵਰਸਿਟੀ ਤਲਵੰਡੀ ਸਾਬੋ ਦੇ ਚਾਂਸਲਰ ਡਾ. ਜੇਐੱਸ ਧਾਲੀਵਾਲ ਦਾ ਦੇਹਾਂਤ