ਲੁਧਿਆਣਾ ‘ਚ ਖੁੱਲ੍ਹਣਗੇ 24 ਨਵੇਂ ਆਮ ਆਦਮੀ ਕਲੀਨਿਕ, ਕੱਲ੍ਹ CM ਮਾਨ ਕਰਨਗੇ ਉਦਘਾਟਨ

ਲੁਧਿਆਣਾ : ਚੌਥੇ ਪੜਾਅ ਤਹਿਤ ਜ਼ਿਲ੍ਹੇ ਵਿੱਚ ਭਲਕੇ 14 ਅਗਸਤ ਨੂੰ 24 ਨਵੇਂ ਆਮ ਆਦਮੀ ਕਲੀਨਿਕ ਖੋਲ੍ਹੇ ਜਾਣਗੇ। ਮੁੱਖ ਮੰਤਰੀ ਭਗਵਾਨ ਮਾਨ ਲਾਈਵ ਸਟ੍ਰੀਮਿੰਗ ਤਹਿਤ ਇਨ੍ਹਾਂ ਕਲੀਨਿਕਾਂ ਦਾ ਉਦਘਾਟਨ ਕਰਨਗੇ। ਇਸ ਤੋਂ ਪਹਿਲਾਂ ਜ਼ਿਲ੍ਹੇ ਵਿੱਚ 51 ਆਮ ਆਦਮੀ ਕਲੀਨਿਕ ਚੱਲ ਰਹੇ ਹਨ। ਨਵੇਂ ਕਲੀਨਿਕ ਦੇ ਉਦਘਾਟਨ ਦੀਆਂ ਤਿਆਰੀਆਂ ਨੂੰ ਮੁਕੰਮਲ ਕਰਨ ਲਈ ਸਿਹਤ ਵਿਭਾਗ ਦੇ ਅਧਿਕਾਰੀ ਅਤੇ ਕਰਮਚਾਰੀ ਦਫ਼ਤਰ ਅਤੇ ਫੀਲਡ ਵਿੱਚ ਰੁੱਝੇ ਹੋਏ ਹਨ।

ਸਿਵਲ ਸਰਜਨ ਡਾ. ਹਿਤਿੰਦਰ ਕੌਰ ਦੀ ਤਰਫ਼ੋਂ ਕਲੀਨਿਕ ਨਾਲ ਜੁੜੇ ਸਮੂਹ ਅਧਿਕਾਰੀਆਂ ਤੇ ਕਰਮਚਾਰੀਆਂ ਨੂੰ ਦਫ਼ਤਰ ਬੁਲਾ ਕੇ ਤਿਆਰੀਆਂ ਦਾ ਅੰਤਿਮ ਜਾਇਜ਼ਾ ਲਿਆ ਗਿਆ | ਇਸ ਦੌਰਾਨ ਨਗਰ ਨਿਗਮ ਦੇ ਅਧਿਕਾਰੀ ਵੀ ਹਾਜ਼ਰ ਸਨ। ਜ਼ਿਕਰਯੋਗ ਹੈ ਕਿ ਪੁਰਾਣਾ ਸੇਵਾ ਕੇਂਦਰ ਵਾਰਡ ਨੰ: 9,13, ਮਿਉਂਸਪਲ ਦਫ਼ਤਰ ਦੁਰਗਾ ਮਾਤਾ ਮੰਦਿਰ, ਵਾਰਡ ਨੰ: 44 ਅਤੇ 45, ਪੁਲਿਸ ਵੂਮੈਨ ਸੈੱਲ ਏਰੀਆ, ਵਾਰਡ ਨੰ: 36, 80, ਹੈਬੋਵਾ ਖੁਰਦ, ਰਿਸ਼ੀ ਨਗਰ, ਢੰਡਾਰੀ ਖੁਰਦ ਦੁੱਗਰੀ ਲਾਈਟ ਵਾਲਾ ਚੌਕ ਨੇੜੇ ਕਲੀਨਿਕ ਖੁੱਲ੍ਹਣ ਜਾ ਰਹੇ ਹਨ।