ਅਪਰਾਧ
10 ਸਾਲ ਦੇ ਮੁੰਡੇ ਦੀ ਕਾਰਸਤਾਨੀ ! ਲਾੜੇ ਦੇ ਪਿਉ ਦੀ ਪੈਂਟ ਨੂੰ ਦਹੀਂ ਲਾ ਕੇ ਨਕਦੀ ਤੇ ਗਹਿਣਿਆਂ ਵਾਲਾ ਬੈਗ਼ ਲੈ ਕੇ ਖਿਸਕਿਆ
ਲੁਧਿਆਣਾ : ਵਿਆਹ ਸਮਾਰੋਹ ‘ਚ ਦਾਖਲ ਹੋਏ 10 ਕੁ ਸਾਲ ਦੇ ਲੜਕੇ ਨੇ ਲਾੜੇ ਦੇ ਪਿਤਾ ਦਾ ਨਕਦੀ ਵਾਲਾ ਬੈਗ ਚੋਰੀ ਕਰ ਲਿਆ। ਇਸ ਮਾਮਲੇ ‘ਚ ਥਾਣਾ ਡੇਹਲੋਂ ਦੀ ਪੁਲਿਸ ਨੇ ਪੈਲੇਸ ਦੇ ਅੰਦਰ ਬਾਹਰ ਲੱਗੇ ਸੀਸੀਟੀਵੀ ਕੈਮਰੇ ਦੀ ਫੁਟੇਜ ਕਬਜ਼ੇ ਵਿਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਅਵਤਾਰ ਖਾਨ ਨੇ ਦੱਸਿਆ ਡੇਹਲੋਂ ਦੇ ਮਿਲਨ ਪੈਲੇਸ ਵਿਚ ਉਨ੍ਹਾਂ ਦੇ ਬੇਟੇ ਦਾ ਵਿਆਹ ਸਮਾਰੋਹ ਚਲ ਰਿਹਾ ਸੀ। ਅਵਤਾਰ ਖਾਨ ਦੇ ਹੱਥ ਵਿੱਚ ਇੱਕ ਬੈਗ ਸੀ ਜਿਸ ਵਿਚੋਂ 85 ਹਜ਼ਾਰ ਰੁਪਏ ਦੀ ਨਕਦੀ ਅਤੇ ਸੋਨੇ ਦੀ ਮੁੰਦਰੀ ਸੀ।
ਇਸੇ ਦੌਰਾਨ 10 ਕੁ ਸਾਲ ਦਾ ਲੜਕਾ ਅਵਤਾਰ ਖਾਨ ਦੇ ਆਲੇ ਦੁਆਲੇ ਘੁੰਮਣ ਲੱਗ ਪਿਆ। ਇਸੇ ਦੌਰਾਨ ਅਵਤਾਰ ਨੇ ਦੇਖਿਆ ਕਿ ਉਸ ਦੀ ਪੈਂਟ ਤੇ ਦਹੀਂ ਲਗਾ ਹੋਇਆ ਸੀ। ਅਵਤਾਰ ਬੈਗ ਕੁਰਸੀ ਤੇ ਰੱਖ ਕੇ ਪੈਂਟ ਸਾਫ ਕਰਨ ਲਗ ਪਿਆ। ਕੁਝ ਸਮੇਂ ਬਾਅਦ ਜਦ ਉਸ ਨੇ ਕੁਰਸੀ ਵੱਲ ਝਾਤੀ ਮਾਰੀ ਤਾਂ ਬੈਗ ਕੇ ਚੋਰੀ ਹੋ ਗਿਆ ਸੀ। ਲੜਕਾ ਵੀ ਉੱਥੋਂ ਖਿਸਕ ਚੁੱਕਾ ਸੀ। ਇਸ ਮਾਮਲੇ ਵਿੱਚ ਥਾਣਾ ਡੇਹਲੋਂ ਦੀ ਪੁਲਿਸ ਨੇ ਅਣਪਛਾਤੇ ਲੜਕੇ ਖਿਲਾਫ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
